Gold rate today: మళ్లీ తగ్గుతున్న బంగారం ధరలు
నిన్నటి వరకు పెరుగుతూ వచ్చిన బంగారం ధరలు, ఇప్పుడు తగ్గుముఖం పట్టాయి. నిన్న ఓ సమయంలో 51,000 క్రాస్ చేసిన బంగారం ధర ఇప్పుడు ఈ మార్కు దిగువకు వచ్చింది. అంతర్జాతీయ మార్కెట్ కామెక్స్లోను 1860 డాలర్ల దిగువకు వచ్చింది. ఎంసీఎక్స్లో ఆల్ టైమ్ గరిష్టం రూ.56200తో పోలిస్తే రూ.5200 తక్కువగా, కామెక్స్లో 2075 డాలర్లతో 220 డాలర్లు తక్కువగా ఉంది.
ఎంసీఎక్స్లో జూన్ గోల్డ్ ఫ్యూచర్స్ నేటి సెషన్లో రూ.14 పెరిగి రూ.50,901 వద్ద, ఆగస్ట్ గోల్డ్ ఫ్యూచర్స్ రూ.53 పెరిగి రూ.51,041 వద్ద ట్రేడ్ అయింది. సిల్వర్ ఫ్యూచర్స్ రూ.62,000 దిగువకు వచ్చింది. నేటి సెషన్లో జూలై సిల్వర్ ఫ్యూచర్స్ రూ.354 తగ్గి రూ.61,528 వద్ద, సెప్టెంబర్ సిల్వర్ ఫ్యూచర్స్ రూ.375 తగ్గి రూ.62,225 వద్ద ట్రేడ్ అయింది.
కామెక్స్లో ఈ వార్త రాసే సమయానికి గోల్డ్ ఫ్యూచర్స్ 2 డాలర్లు తగ్గి 1855 డాలర్ల వద్ద, సిల్వర్ ఫ్యూచర్స్ 0.099 డాలర్లు తగ్గి 21.871 డాలర్ల వద్ద ట్రేడ్ అయింది. అంతర్జాతీయ మార్కెట్లో క్రితం సెషన్లోను గోల్డ్ ఫ్యూచర్స్ 1860 డాలర్లకు సమీపంలో ముగిసింది.