బంగారం ధరలు ఎలా ఉన్నాయంటే? హైదరాబాద్‌లో రూ.39,500

బులియన్ మార్కెట్లో బుధవారం బంగారం, వెండి ధరల్లో స్వల్ప మార్పులు చోటు చేసుకున్నాయి. ఎంసీఎక్స్ గోల్డ్ (డిసెంబర్) ఫ్యూచర్స్ 0.22 శాతం పెరిగి రూ.37,802గా ఉంది. ఎంసీఎక్స్ వెండి (డిసెంబర్) ఫ్యూచర్స్ 0.55 శాతం పెరిగి కిలో రూ.44,130గా ఉంది. కాగా, బంగారం ధరలు గత రెండు నెలల్లో రూ.2400 తగ్గింది. ఎంసీఎక్స్‌లో సెప్టెంబర్ నెలలో రూ.40,000 గరిష్టాన్ని తాకింది.

అమెరికా - చైనా వాణిజ్య చర్చలు ఇంకా కొలిక్కి రాలేదు. దీనిపై ఏం జరుగుతుందో ఇంకా స్పష్టత రాలేదు. ఈ నేపథ్యంలో బంగారానికి డిమాండ్ పెరిగింది. అంతర్జాతీయ మార్కెట్లో ఔన్స్ బంగారం ధర మంగళవారం 1,450 డాలర్లుగా ఉండగా ఈ రోజు స్వల్పంగా పెరిగింది. అయితే అమెరికా - చైనా ట్రేడ్ టాక్స్ సానుకూలంగా కనిపిస్తే అంతర్జాతీయంగా బంగారం ధరలు ఔన్సుకు 1450 డాలర్లు దిగువకు, భారత్‌లో రూ.37500 దిగువకు పడిపోయే అవకాశాలు ఉన్నాయని నిపుణులు చెబుతున్నారు.

బుధవారం హైదరాబాద్ మార్కెట్లో 24 క్యారెట్ల 10 గ్రాముల బంగారం ధర రూ.39,510గా ఉంది. 10 గ్రాముల 22 క్యారెట్ల బంగారం ధర రూ.36,220గా ఉంది. కిలో వెండి ధర రూ.48,750కి చేరుకుంది. ఢిల్లీలో బంగారం ధరలో పెద్దగా మార్పు లేదు.