భారత బ్యాంకుల నష్టాలు తగ్గించాలంటే అది కీలకం: ఫిచ్, ప్రభుత్వ హామీపై..

అది సానుకూల పరిణామం

మొండి బకాయిలు, రైటాఫ్స్ పెరిగాయని ఫిచ్ రేటింగ్స్ తెలిపింది. మహమ్మారి నేపథ్యంలో మొండి బకాయిలుగా మారిన రుణాలను ఓసారి పునర్ వ్యవస్థీకరించుకునేందుకు ఆర్బీఐ అనుమతి ఇవ్వడం సానుకూల పరిణామం అని తెలిపింది. అయితే పునర్ వ్యవస్థీకరించిన రుణాలు కస్టమర్లు తిరిగి చెల్లించకపోతే భవిష్యత్తులో మొండి బకాయిలు మరింతగా పెరిగే ప్రమాదం ఉందని ఆందోళన వ్యక్తం చేసింది. ఆర్బీఐ డేటా ప్రకారం భారతీయ బ్యాంకులు 2014-19 మధ్య దాదాపు 85 బిలియన్ డాలర్ల రుణాలను రైటాఫ్ చేశాయి. ప్రభుత్వరంగ బ్యాంకుల కారణంగా ఈ రంగంపై 80 శాతం ఆర్థిక ఒత్తిడి ఉంటోందని ఈ నివేదిక తెలిపింది. ప్రస్తుత రుణ వ్యవస్థీకరణ మరిన్ని సవాళ్లను సృష్టించకుండా ఉంటే చాలని తెలిపింది.

2.7 బిలియన్ డాలర్ల హామీ...

అలాగే 2.7 బిలియన్ డాలర్లను ప్రభుత్వరంగ బ్యాంకులకు అందిస్తామన్న ప్రభుత్వం హామీ ఇంకా అమలు కాలేదని ఫిచ్ పేర్కొంది. బ్యాంకులు వచ్చే ఏడాది రెండేళ్ల కాలంలో కఠిన సవాళ్లను ఎధుర్కొంటాయని పేర్కొంది. సరిపడా మూలధనం లేకుండా ప్రభుత్వరంగ బ్యాంకులు మంజూరు చేసే రుణాల్లో వృద్ధి సాధ్యం కాదని, ఈ మధ్య కాలానికి ప్రయివేటు రంగ బ్యాంకులు మార్కెట్ షేర్‌ను పెంచుకోవడానికి అనుకూలిస్తుందని ఫిచ్ తెలిపింది.

వృద్ధి రేటు అంచనా సవరణ

ఫిచ్ భారత వృద్ధి రేటు అంచనాను కూడా సవరించింది. 2020-21 ఆర్థిక సంవత్సరానికి గాను వృద్ధి రేటును మైనస్ 10.5 శాతానికి సవరించింది. అంతకుముందు మైనస్ 5 శాతంగా ఉంటుందని అంచనా వేసింది. మొదటి క్వార్టర్‌లో రియల్ జీడీపీ 23.9 శాతం ప్రతికూలత నమోదు చేసిన విషయం తెలిసిందే. ఈ నేపథ్యంలో రేటింగ్ ఏజెన్సీలు పూర్తి ఆర్థిక సంవత్సరం వృద్ధి రేటును సవరిస్తున్నాయి.