Tata Motors: బీఎస్ఈ సెన్సెక్స్ 30 లోకి టాటా మోటార్స్ ..

టాటా గ్రూప్ కంపెనీ టాటా మోటార్స్ బీఎస్ఈ 30 ఇండెక్స్ లోకి వెళ్లనుంది. వచ్చే నెల నుంచి సెన్సెక్స్‌లోని ఫార్మా స్టాక్ డాక్టర్ రెడ్డీస్ ల్యాబొరేటరీస్‌ స్థానాన్ని టాటా మోటార్స్ భర్తీ చేయనున్నట్లు స్టాక్ ఎక్స్ఛేంజ్ బిఎస్‌ఈ శుక్రవారం ప్రకటించింది. డిసెంబర్ 19, 2022న మార్కెట్ ప్రారంభమైన వెంటనే ఈ మార్పు అమల్లోకి రానుంది. BSE S&P డౌ జోన్స్‌తో కలిసి ఆసియా ఇండెక్స్‌ను నిర్వహిస్తుంది

S&P BSE 100,S&P

S&P BSE 100,S&P సెన్సెక్స్ నెక్స్ట్ 50 ఇండెక్స్‌ల నుంచిఅదానీ టోటల్ గ్యాస్,హిందుస్థాన్ పెట్రోలియం స్టాక్‌లను తొలగించాలని నిర్ణయించారు.వాటి స్థానంలో అదానీ పవర్, యన్ హోటల్స్ కంపెనీని చేర్చనున్నారు. బీఎస్ఈ సెన్సెక్స్ 50, బీఎస్ఈ బ్యాంకెక్స్ లలో ఎలాంటి మార్పు చేయలేదు. 30-షేర్ ఇండెక్స్‌లో చేసిన ఆవర్తన పునర్వ్యవస్థీకరణలో ఒక భాగం, ఇందులో భారతదేశంలోని అత్యంత విలువైన కొన్ని కంపెనీలు ఉన్నాయి.

జూన్, డిసెంబర్‌

BSEలో సెన్సెక్స్ 30ని భారతీయ ఆర్థిక వ్యవస్థలోని కీలక రంగాలలో 30 అతిపెద్ద, అత్యంత లిక్విడ్, ఆర్థికంగా మంచి కంపెనీల పనితీరును అంచనా వేయడానికి రూపొందించారు. జనవరి 1, 1986న సెన్సెక్స్ ను ప్రారంభించారు. ఇండెక్స్ ప్రతి సంవత్సరం రెండుసార్లు రీబ్యాలెన్స్ చేస్తారు. జూన్, డిసెంబర్‌లలో రిబ్యాలెన్స్ చేస్తారు. రిలయన్స్ ఇండస్ట్రీస్, హెచ్‌డిఎఫ్‌సి బ్యాంక్, ఐసిఐసిఐ బ్యాంక్, ఇన్ఫోసిస్, హెచ్‌డిఎఫ్‌సి, టిసిఎస్, ఐటిసి, కోటక్ మహీంద్రా బ్యాంక్, యాక్సిస్ బ్యాంక్, ఎల్ అండ్ టి ఇండెక్స్ వేటెయిజ్ ప్రకారం టాప్ 10 సెన్సెక్స్ విభాగాలలో ఉన్నాయి.

రూ.423.80

శుక్రవారం ట్రేడింగ్ సెషన్‌లో రూ.2 ముఖ విలువ కలిగిన టాటా మోటార్స్ షేరు 0.15 శాతం పెరిగి రూ.423.80 వద్ద ముగిసింది. ప్రస్తుతం కంపెనీ మార్కెట్ క్యాప్ దాదాపు రూ.1.41 లక్షల కోట్లు. మరోవైపు డాక్టర్ రెడ్డీస్ ల్యాబ్ షేర్ 0.28 శాతం క్షీణతతో రూ.4409 వద్ద ముగిసింది.