Coinbase Shares: ఈ క్రిప్టో ఎక్స్చేంజ్ షేర్లు భారీగా ఎగిసి, అంతలోనే పతనం
క్రిప్టో ఎక్స్చేంజ్ కాయిన్బేస్ లిస్టింగ్ అయింది. ఈ షేర్ ధర ఓ సమయంలో భారీగా ఎగిసి, ఆ తర్వాత లిస్టింగ్ కంటే దిగువకు పడిపోయింది. అమెరికాలో అతిపెద్ద క్రిప్టోకరెన్సీ ఎక్స్చేంజ్ కాయిన్బేస్. ఇది నేడు నాస్డాక్లో లిస్ట్ అయింది. ప్రారంభంలో 381 డాలర్ల వద్ద కనిపించింది. ఆ తర్వాత 400 డాలర్లకు పైకి కూడా చేరుకుంది. అయితే అంతలోనే 300 డాలర్ల దిగువకు పడిపోయింది. అయినప్పటికీ కాయిన్ 55 శాతం పెరిగింది. ఈ యూఎస్ క్రిప్టో ఎక్స్చేంజ్ దిగ్గజం 100 బిలియన్ డాలర్లకు దిగువన ఉంది.
హోమ్లోన్ వడ్డీ రేట్లపై కస్టమర్లకు కొటక్ మహీంద్రా గుడ్న్యూస్: అందుకే.. అలాగే
క్రిప్టోకు ప్రోత్సాహకరం
కాయిన్బేస్కు ఇప్పటి వరకు అధికారిక హెడ్ క్వార్టర్ లేదు. ఈ క్రిప్టో దిగ్గజం వాల్ స్ట్రీట్ పెట్టుబడి బ్యాంకులపై ఆధారపడకుండా ఇనిషియల్ పబ్లిక్ ఆఫర్ (IPO)ను వదులుకోవాలని, దీనికి బదులు నాస్డాక్ స్టాక్ ఎక్స్చేంజీతో తన వాటాలను నేరుగా లిస్టింగ్ చేయాలని నిర్ణయించుకుంది. అనలిస్ట్స్, ట్రేడర్స్, ఆర్థికవేత్తలు ఈ స్టాక్ సేల్ను క్రిప్టోకరెన్సీకి ప్రోత్సాహకరమైనదిగా పేర్కొన్నారు. ఇప్పుడు ఇది స్టాక్ మార్కెట్ ఇన్వెస్టర్లకు అందుబాటులో ఉంటుంది.
ఇదీ కాయిన్ బేస్
ఇటీవలి ఎక్స్చేంజీ ధరల ప్రకారం కాయిన్బేస్ మార్కెట్ క్యాపిటలైజే,న్ 76 బిలియన్ డాలర్లుగా ఉంది. 199.2 మిలియన్ల ఔట్ స్టాండింగ్ షేర్స్ ఉన్నాయి. డిల్యూటెడ్ షేర్ కౌంట్ 261.3 మిలియన్లు. కాయిన్ డెస్క్ ప్రకారం మొత్తం వ్యాల్యూ 99 బిలియన్ డాలర్లు. ఈ శాన్ఫ్రాసిస్కో కంపెనీ రెగ్యులేటరీ ఫైలింగ్ ప్రకారం ఈ కంపెనీ ప్రపంచవ్యాప్తంగా 56 మిలియన్ల యూజర్లను కలిగి ఉంది. వెబ్ సైట్ పైన 223 బిలియన్ డాలర్ల అసెట్స్ ఉంటాయని అంచనా. క్రిప్టో మార్కెట్లో ఈ వాటా 11.3 శాతం.
బిట్ కాయిన్ జంప్
మార్కెట్ క్యాపిటలైజేషన్ పరంగా అత్యంత విలువైన క్రిప్టోకరెన్సీ బిట్ కాయిన్ బుధవారం 64000 డాలర్లను క్రాస్ చేసి, సరికొత్త గరిష్టాలను తాకింది. రెండో అతిపెద్ద క్రిప్టో కరెన్సీ ఎథేర్ 2400 డాలర్లను దాటింది. ఇటీవలి కాలంలో బిట్ కాయిన్ భారీగా పెరుగుతోన్న విషయం తెలిసిందే.