టర్కీ కీలక నిర్ణయం, భారీగా పతనమైన బిట్ కాయిన్: ఇతర క్రిప్టోలదీ అదే దారి
క్రిప్టోకరెన్సీ బిట్ కాయిన్ వ్యాల్యూ నేడు (ఏప్రిల్ 16, శుక్రవారం) భారీగా పతనమైంది. రిస్క్ ఉన్నదని చెబుతూ టర్కీ క్రిప్టో పేమెంట్స్ను బ్యాన్ చేసింది. దీంతో నేడు బిట్ కాయిన్ నాలుగు శాతం మేర క్షీణించింది. బిట్ కాయిన్ నేడు ఓ సమయంలో 4.6 శాతం క్షీణించి 60,333 డాలర్లకు పడిపోయింది. బిట్ కాయిన్ 4 శాతం నష్టపోగా, ఎథేరియం 6 శాతం, ఎక్స్పీఆర్ 12 శాతం నష్టపోయింది.
టర్కీ సెంట్రల్ బ్యాంకు క్రిప్టోకరెన్సీలు, క్రిప్టో ఆస్తులను కొనుగోళ్లను నిషేధించడంతో బిట్ కాయిన్ వ్యాల్యూ శుక్రవారం పతనమైంది. అధికారిక గెజిట్ ప్రకారం లెడ్జర్ టెక్నాలజీ ఆధారంగా క్రిప్టోకరెన్సీలు, ఇతర డిజిటల్ ఆస్తులను వస్తువులు, సేవల చెల్లింపులకు ప్రత్యక్షంగా లేదా పరోక్షంగా ఆమోదించలేమని తెలిపింది.
టర్కీ నిషేధం అనంతరం బిట్ కాయిన్ వ్యాల్యూ 4.6 శాతం పడిపోయి 60,333 డాలర్ల వద్ద ట్రేడ్ అయింది. క్రిప్టో ట్రేడింగ్ వ్యాల్యూమ్ టర్కీలో ఫిబ్రవరిలో 7 బిలియన్ లిరా నుండి మార్చి 24వ తేదీ మధ్య 218 బిలియన్ లిరా (27 బిలియన్ డాలర్లు)కు పెరిగింది. అయితే ఇప్పుడు పడిపోయింది.