బెంగళూరు తర్వాత.. హైదరాబాద్లో యాక్సెంచర్ ఇన్నోవేషన్ హబ్, తొలి నానో ల్యాబ్
హైదరాబాద్: సాఫ్టువేర్ దిగ్గజం యాక్సెంచర్ మంగళవారం హైదరాబాదులో సరికొత్త ఇన్నోవేషన్ హబ్ను ప్రారంభించింది. డిజిటల్ ఆర్థిక వ్యవస్థకు అవసరమైన సేవలను, ఉత్పత్తులను తీసుకు వచ్చేందుకు యాక్సెంచర్ తన కొత్త ఇన్నోవేషన్ హబ్ను ఏర్పాటు చేసింది. దాదాపు 3 లక్షల చదరపు అడుగుల విస్తీర్ణంలో దీనిని ఏర్పాటు చేసింది.
చాట్ ఫీచర్: PhonePe యూజర్లకు అందుబాటులోకి సరికొత్త ఫీచర్
ఈ ఇన్నోవేషన్ హబ్లో కృత్రిమ మేధ, సెక్యూరిటీ, ఆటోమేషన్, బ్లాక్ చైన్ వంటి టెక్నాలజీలపై 2,000కు పైగా నిపుణులు పని చేస్తారు. వివిధ సంస్థలకు ఆధునాతన సాంకేతికతపై పెట్టుబడులు పెట్టే విషయంలో ఇబ్బందులు ఎదుర్కొంటున్నాయని యాక్సెంచర్ టెక్నాలజీ సర్వీసెస్ గ్రూప్ చీఫ్ ఎగ్జిక్యూటివ్ బాస్కర్ ఘోష్ అన్నారు. దీంతో ఆవిష్కరణల్లో వెనుకబడుతున్నాయని, ఈ సమస్యను పరిష్కరించేందుకు ఈ హబ్ సహకరిస్తుందన్నారు.
భారత్లో ఇప్పటికే యాక్సెంచర్కు బెంగళూరులో ఇన్నోవేషన్ హబ్ ఉంది. అమెరికాలో 11 ఇన్నోవేషన్ కేంద్రాలు ఉన్నాయి. టోరంటో, షింజెన్, టోక్యో, జ్యూరిచ్.. నగరాల్లో కూడా ఇన్నోవేషన్ కేంద్రాలను ఏర్పాటు చేసింది యాక్సెంచర్. ఇప్పుడు హైదరాబాద్లో ప్రారంభించింది. ఆసియా పసిఫిక్లోనే మొదటిసారిగా హైదరాబాద్లోని ఇన్నోవేషన్ హబ్లో యాక్సెంచర్ నానో ల్యాబ్ను ఏర్పాటు చేస్తోంది.