3 కంపెనీలు రూ.1 లక్ష కోట్లు ప్లస్, 7 కంపెనీలు రూ.37వేల కోట్లు లాస్

ఈ 3 కంపెనీల ఎం-క్యాప్

రిలయన్స్, ఇన్ఫోసిస్, హెచ్‌యూఎల్ కంపెనీల ఎం-క్యాప్ రూ.98,622.89 కోట్ల మేర పెరిగింది. అలాగే ఏడు కంపెనీలు ఎం-క్యాప్ రూ.37,701.1 తరిగింది. ఇన్ఫోసిస్ ఎం-క్యాప్ రూ.52,046.87 కోట్లు పెరిగి రూ.3,85,027.58 కోట్లకు చేరింది. ఇన్ఫీ కంపెనీ క్వార్టర్ ఫలితాలను ప్రకటించింది. ఊహలకు మించి రాణించింది. దీంతో ఈ కంపెనీ షేర్లు ఆ రోజు 9 శాతం మేర ఎగిశాయి. హిందూస్థాన్ యూనీలీవర్ ఎం-క్యాప్ రూ.25,751.07 ఎగిసి రూ.5,48,232.26 కోట్లకు పెరిగింది. రిలయన్స్ ఇండస్ట్రీస్ ఎం-క్యాప్ రూ.20,824.95 కోట్లు పెరిగి రూ.12,11,682.08 కోట్లకు చేరుకుంది.

ఈ 7 కంపెనీల ఎం-క్యాప్ తగ్గింది

HDFC మార్కెట్ క్యాపిటలైజేషన్ రూ.13,920.21 కోట్లు తరిగి రూ.3,13,269.70కు పడిపోయింది. ఐటీ దిగ్గజం టాటా కన్సల్టెన్సీ సర్వీసెస్ (TCS) ఎం-క్యాప్ రూ.7,617.34 కోట్లు తరిగి రూ.8,26,031.21, ICICI బ్యాంకు ఎం-క్యాప్ రూ.4,205.71 కోట్లు తరిగి రూ.రూ.2,29,156.24 కోట్లకు, కొటక్ మహీంద్రా బ్యాంకు మార్కెట్ క్యాప్రూ.4,175.28 కోట్లు నష్టపోయి రూ.2,62,864.37 కోట్లకు చేరుకుంది. భారతీ ఎయిర్ టెల్ ఎం-క్యాప్ రూ.4,009.83 కోట్లు తగ్గి రూ.3,09,521.05 కోట్లకు, HDFC బ్యాంకు ఎం-క్యాప్ రూ.3,403.97 కోట్లు తగ్గి రూ.6,03,463.97 కోట్లకు, ITC ఎం-క్యాప్ రూ.368.76 కోట్లు తగ్గి రూ.2,38,469.29 కోట్లకు చేరుకుంది.

రిలయన్స్ టాప్

మార్కెట్ క్యాపిటలైజేషన్ పరంగా బీఎస్ఈ టాప్ 10లో తొలి స్థానంలో రిలయన్స్ ఇండస్ట్రీస్ నిలిచింది. ఆ తర్వాత వరుసగా TCS, HDFC బ్యాంకు, HUL, ఇన్ఫోసిస్, HDFC, భారతీ ఎయిర్ టెల్, కొటక్ మహీంద్రా బ్యాంకు, ITC, ICICI బ్యాంకు ఉన్నాయి. 30 షేర్ BSE ఇండెక్స్ గత వారం 425.81 పాయింట్లు లేదా 1.16 శాతం ఎగిసింది.