ప్రయివేటురంగ బ్యాంకు దిగ్గజం HDFC కస్టమర్లకు శుభవార్త అందించింది. మిలీనియల్స్‌ను ఆకట్టుకునేందుకు సరికొత్త సేవలను లాంచ్ చేసింది. ఫేస్‌బుక్‌కు చెందిన పాపులర్ మెసేజింగ్ యాప్ వాట్సాప్‌లో కూడా బ్యాంక్ సేవలు అందుబాటులోకి వచ్చాయి. ఇంటర్నెట్‌ను ఎక్కువగా వినియోగించే కస్టమర్లను లక్ష్యంగా చేసుకొని దీనిని లాంచ్ చేసింది.

వాట్సాప్ అనువర్తనాన్ని ఉపయోగించి ఖాతా, క్రెడిట్ కార్డు వివరాలు తనిఖీ చేయవచ్చు. వాట్సాప్ సహాయంతో ప్రీ ఆఫ్రూవ్డ్ ఆఫర్లు, బ్యాంక్ ప్రమోషన్ల గురించి తెలుసుకోవచ్చు. మీరు అడిగే ప్రశ్నలకు కూడా సమాధానాలు అందుబాటులో ఉంటాయి. యువతను ఆకర్షించడానికి బ్యాంకు తన ఆన్ లైన్ ప్లాట్ ఫారమ్‌లు, క్రెడిట్, డెబిట్ కార్డులపై ఆకర్షణీయ డిస్కౌంట్స్, క్యాష్ బ్యాక్ ఆఫర్లు అందిస్తోంది. ఆఫర్లకు సంబంధించి జాతీయ పత్రికల్లో ప్రకటనలు ఇస్తోంది.

అదే సమయంలో Millennia బ్రాండ్ కింద నాలుగు వివిధ రకాల కార్డులను మిలీనియల్స్‌కు అందిస్తోంది. ఇందులో క్రెడిట్ కార్డు, డెబిట్ కార్డు, ప్రీపెయిడ్ కార్డు, ఈజీ-ఈఎంఐ కార్డు ఉన్నాయి.

పేజాప్, స్మార్ట్ బై వంటి ద్వారా షాపింగ్ చేస్తే 5 శాతం క్యాష్ బ్యాక్ పొందవచ్చు. అన్ని రకాల ఆన్‌లైన్ వ్యయాలపై 2.5% క్యాష్‌బ్యాక్‌ను కూడా అందిస్తోంది. ప్రతి ఆఫ్‌లైన్ కొనుగోళ్లపై ఒక శాతం క్యాష్‌బ్యాక్ ఇస్తోంది.