ప్రస్తుతం 1.25 కోట్ల కార్డులు...

HDFC బ్యాంకు వినియోగదారుల్లో ప్రస్తుతం 1.25 కోట్ల మంది క్రెడిట్ కార్డులు వాడుతున్నారు. ఈ సంఖ్యను సరిగ్గా రెట్టింపు చేయాలనీ బ్యాంకు టార్గెట్ పెట్టుకొంది. ఏప్రిల్ నుంచి ఇప్పటి వరకు మా సేవింగ్స్ అండ్ శాలరీ అకౌంట్స్ ఖాతాలు రెట్టింపు అయ్యాయి. ప్రతి నెలా మా కరెంటు అండ్ సేవింగ్స్ అకౌంట్స్ (CASA) ఐదు లక్షలు దాటుతోంది. కాబట్టి, కార్డుల రెట్టింపు అవకాశం స్పష్టంగా కనిపిస్తోందని పరాగ్ రావు వ్యాఖ్యానించారు.

రెట్టింపు కానున్న మర్చంట్ లు ...

ప్రస్తుతం బ్యాంకు క్రెడిట్ కార్డుల సంఖ్య పెంపు పైనే కాకుండా ... రిటైల్ మర్చంట్ నెంబర్ పెంచుకొనే పనిలో పడింది. ఇప్పటి వరకు బ్యాంకు వద్ద 9,00,000 మంది రిటైల్ మర్చంట్ లు ఉన్నారు. ఈ సంఖ్యను కూడా డబల్ చేయాలనీ బ్యాంకు టార్గెట్గా పెట్టుకోంది. ఈ ప్రక్రియలో భాగంగా నెలకు సుమారు 1,00,000 మంది కొత్త మర్చంట్ లను తన వేదికపైకి తెస్తోంది. 15 లక్షల మేరకు పేమెంట్ ఆక్సెప్టెన్స్ పాయింట్లను కలిగి ఉన్న బ్యాంకు .. ఈ విషయంలో అగ్రస్థానంపై కన్నేసింది. ఇప్పటికే దీనికి మర్చంట్ ల మార్కెట్లో 43% వాటా ఉండటం విశేషం.

రూ 50,000 కోట్ల రుణాలు...

HDFC బ్యాంకు తన క్రెడిట్ కార్డు వినియోగదారులకు భారీగా రుణాలు ఇచ్చింది. ఈ విషయం లో భారతీయ బ్యాంకులన్నింటిలోనూ అదే ముందు ఉంటుంది. ఈ రుణాలు ఏకంగా రూ 50,000 కోట్లు దాటాయి. దేశంలోని అన్ని బ్యాంకులు సంయుక్తంగా ఇచ్చిన రుణాలు రూ 94,900 కోట్లు కాగా... ఈ ఒక్క బ్యాంకే రూ 50,000 కోట్ల రుణాలు ఇవ్వటం గమనార్హం. ఈ విషయంలో బ్యాంకు వాటా 52% కావటం విశేషం. అయితే, ఈ రుణాలను పరాగ్ రావు సమర్థించుకున్నారు. ముంబై లోని స్లం ఏరియా ఐన ధారవి లోని ప్రతి ఒక్కరూ రుణ ఎగవేతదారు కాదని అయన స్పష్టం చేసారు.

పల్లెలకూ విస్తరణ...

క్రెడిట్ కార్డుల వినియోగం లో నగరాలు ముందు ఉండటం సహజమే. కానీ... తమ కొత్త వ్యూహం లో భాగంగా HDFC బ్యాంకు సెమి అర్బన్, గ్రామీణ ప్రాంతాల్లోనూ క్రెడిట్ కార్డులను జారీ చేయాలనీ లక్ష్యంగా పెట్టుకోంది. ఆయా ప్రాంతాల్లోని వినియోగదారుల వినియోగం తక్కువగా ఉన్నప్పటికీ ... భవిష్యత్ పెట్టుబడిగా దీనిని భావిస్తున్నట్లు పరాగ్ రావు వెల్లడించారు. సో, పల్లె ఐనా, పట్టణమైనా ఇప్పటి వరకు క్రెడిట్ కార్డు లేని వారు, ఈ సారి తప్పకుండ ఒకటి పొందే అవకాశం ఉందన్న మాట.