మీ మొబైల్ ఫోన్‌తో జాగ్రత్త..! ఇలా చేయండి: HDFC హెచ్చరిక

ఈ మధ్య బ్యాంక్ మోసాలు బాగా పెరిగిపోయాయి. ఇలా చీటింగ్ చేసేవాటిల్లో ఎనీడెస్క్ యాప్ కూడా ఒకటి. దీనిని ఎవరూ ఉపయోగించవద్దని ఆర్బీఐ ఇదివరకే ప్రకటించింది. ఎనీడెస్క్ యాప్ ద్వారా మోసాలు ఎక్కువగా జరుగుతున్నట్లు గుర్తించింది. సైబర్ నేరగాళ్లు ఈ యాప్‌ను ఈజీగా హ్యాక్ చేసి, ఖాతాలోని డబ్బులు మార్చుకుంటున్నారు. మీ ఫోన్ నెంబర్, బ్యాంకు ఖాతాల వివరాలు అన్నీ ఈ యాప్ ద్వారా సేకరించి అకౌంట్లోని డబ్బులు కొట్టేస్తారు. నకిలీ యాప్స్ ద్వారా కూడా మోసం చేస్తారు. ఈ నేపథ్యంలో HDFC కూడా తమ కస్టమర్లకు సూచనలు, హెచ్చరికలు జారీ చేసింది.

ఇలా చేయకండి...

మీ అకౌంట్లో మోసాలు జరగకుండా ఉండేందుకు కొన్ని సూచనలు పాటించాలని HDFC సూచించింది. ఇవి చేయవద్దు అంటూ.. కొన్ని జాగ్రత్తలు తమ కస్టమర్లకు మెసేజ్ చేస్తోంది.

- UPI PIN/MPIN, Debit/Credit Card, CVV, ఎక్స్‌పరీ డేట్, OTP, ATM పిన్, బ్యాంక్ అకౌంట్ వంటి మీ ఫైనాన్షియల్ వివరాలు ఎవరితోను షేర్ చేసుకోవద్దు.

- మీ బ్యాంకింగ్ పాస్‌వర్డ్స్ ఎవరితోను షేర్ చేసుకోవద్దు. అలాగే మీ మొబైల్ ఫోన్లో షేర్ చేసుకోకపోవడం మంచిది.

మొబైల్ యాప్ ఇన్‌స్టాల్ చేసినప్పుడు జాగ్రత్తలు

- యాప్ స్టోర్ నుంచి లేదా ప్లే స్టోర్ నుంచి మొబైల్ యాప్ ఇన్‌స్టాల్ చేసే సమయంలో గుర్తు తెలియని వ్యక్తుల సహకారం తీసుకోవద్దు. అలాగే, మీ మొబైల్ సెట్టింగ్స్ ఇన్‌స్ట్రక్షన్స్ కోసం వారి సూచనలు తీసుకోవద్దు.

- వివిధ మర్చంట్స్, ఎన్టీటీలు, బ్యాంకులు తదితర కస్టమర్ సర్వీస్ నెంబర్ల పైన ఆధారపడవద్దు.

ఆర్థిక కార్యకలాపాలు

- ఆర్థిక కార్యకలాపాలకు సంబంధించిన విషయాల్లో గూగుల్ సెర్చ్ ద్వారా తిరిగి పొందే ప్రయత్నాలు చేయవద్దు. ఎందుకంటే పేక్‌వి ఉంటాయి.

- ఏదేనీ టెక్ కంపెనీ లేదా బ్యాంకు నుంచి తాము ప్రతినిధులమని చెబుతూ ఆయాచితంగా వచ్చే లేదా తెలియని ఎస్సెమ్మెస్‌లు వచ్చినప్పుడు వాటికి సమాధానం ఫార్వార్డ్ చేయవద్దు.

ఇలా చేయండి..

- ఈ యాప్ డౌన్‌లోడ్ చేసుకోవాలని, కాన్ఫిడెన్షియల్ సమాచారం ఇవ్వాలని ఎవరి నుండి అయినా కాల్స్ వస్తే అలర్ట్‌గా ఉండండి. అలాంటి కాల్స్‌ను వెంటనే కట్ చేయండి.

వెంటనే డిలీట్ చేయండి

- ఇప్పటికే మీరు ఎనీ డెస్క్ యాప్ డౌన్‌లోడ్ చేసుకొని ఉంటే కనుక.. దాని అవసరం లేదు. వెంటనే ఆ యాప్‌ను అన్‌ఇన్‌స్టాల్ చేయండి.

- మీ పేమెంట్ లేదా మొబైల్ బ్యాంకింగ్‌కు సంబంధించిన యాప్ లాక్‌ను ఎనేబుల్ చేయండి.

- మీకు ఏదైనా అనుమానంగా అనిపిస్తే వెంటనే సమీపంలోని బ్యాంకుకు వెళ్లి ఫిర్యాదు చేయండి. లేదా ధృవీకరించిన కస్టమర్ కేర్‌కు ఫోన్ చేయండి.