వరుసగా మూడో రోజు తగ్గిన బంగారం ధరలు, ఆల్ టైమ్ గరిష్టంతో రూ.7000 తక్కువ

బంగారం, వెండి ధరలు నేడు (జూన్ 9) అతి స్వల్పంగా తగ్గాయి. దేశీయ, అంతర్జాతీయ మార్కెట్లో దాదాపు ఫ్లాట్‌గా ఉన్నాయి. అమెరికా ద్రవ్యోల్భణం, యూరోపియన్ సెంట్రల్ బ్యాంకు పాలసీ మీటింగ్ నేపథ్యంలో ఇన్వెస్టర్లు అప్రమత్తంగా ఉన్నారు. అంతర్జాతీయ మార్కెట్లో గోల్డ్ ఫ్యూచర్స్ 1900 డాలర్ల దిగువనే ట్రేడ్ అవుతోంది.

ఈ వారంలో పెరుగుదల కనిపించినప్పటికీ 1912 నుండి 1918 డాలర్ల మధ్య నిరోదకస్థాయి ఉందని బులియన్ మార్కెట్ నిపుణులు చెబుతున్నారు. అమెరికా బెంచ్ మార్క్ టెన్ ఇయర్ ట్రెజరీ యీల్డ్స్ 1.53 శాతం తగ్గిన ప్రభావం బులియన్ మార్కెట్ పైన ఉంటుంది. బంగారం ధరలు వరుసగా మూడో రోజు తగ్గాయి. ఆల్ టైమ్ గరిష్టంతో రూ.7000 తక్కువగా ఉంది.

అతి స్వల్పంగా తగ్గిన బంగారం ధరలు

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల ఆగస్ట్ గోల్డ్ ఫ్యూచర్స్ నేడు మధ్యాహ్నం సెషన్లో రూ.60.00 (0.12%) తగ్గి రూ.49067.00 వద్ద ట్రేడ్ అయింది. రూ.49,150.00 వద్ద ప్రారంభమైన ధర, రూ.49,198.00 వద్ద గరిష్టాన్ని తాకి, రూ.49,024.00 కనిష్టాన్ని తాకింది. అక్టోబర్ గోల్డ్ ఫ్యూచర్స్ రూ.45.00 (0.09%) తగ్గి రూ.49370.00 వద్ద ట్రేడ్ అయింది. రూ.49,473.00 వద్ద ప్రారంభమైన ధర, రూ.49,505.00 గరిష్టాన్ని, రూ.49,350.00 వద్ద కనిష్టాన్ని తాకింది.

వెండిదీ అదే దారి

జూలై సిల్వర్ ఫ్యూచర్స్ సాయంత్రం సెషన్లో రూ.76.00 (-0.11%) తగ్గి రూ.71155.00 వద్ద ట్రేడ్ అయింది. రూ.71,356.00 వద్ద ప్రారంభమై, రూ.71,415.00 వద్ద గరిష్టాన్ని తాకి, రూ.71,057.00 వద్ద కనిష్టాన్ని తాకింది. సెప్టెంబర్ సిల్వర్ ఫ్యూచర్స్ రూ.51.00 (0.07%) తగ్గి రూ.72380.00 వద్ద ట్రేడ్ అయింది. రూ.72,560.00 వద్ద ప్రారంభమైన ధర, రూ.72,600.00 గరిష్టాన్ని, రూ.72,273.00 కనిష్టాన్ని తాకింది

అంతర్జాతీయ మార్కెట్లో...

అంతర్జాతీయ ఫ్యూచర్ మార్కెట్లో బంగారం, వెండి ధరలు స్వల్పంగా తగ్గాయి. 1895 డాలర్ల దిగువన ఉంది. అంతర్జాతీయ మార్కెట్లో గోల్డ్ ఫ్యూచర్స్ నేడు 2.55 (0.13%) డాలర్లు తగ్గి 1,891.85 డాలర్ల వద్ద కదలాడింది. నేటి సెషన్లో 1,889.35 - 1,898.75 డాలర్ల మధ్య కదలాడింది. సిల్వర్ ఫ్యూచర్స్ కూడా తగ్గింది. 0.033 (0.12%) డాలర్లు తగ్గి 27.695 డాలర్ల వద్ద ట్రేడ్ అయింది. నేటి సెషన్లో 27.625 - 27.850 డాలర్ల మధ్య కదలాడింది.