బంగారం ధరలు నాలుగున్నర నెలల గరిష్టానికి...: రూ.49 వేల పైకి గోల్డ్

నిన్న స్వల్పంగా తగ్గిన బంగారం, వెండి ధరలు నేడు (మే 24, గురువారం) దాదాపు స్థిరంగా ఉన్నాయి. నిన్న గోల్డ్ ఫ్యూచర్స్ రూ.189.00 తగ్గి రూ.48,678 వద్ద, వెండి ఫ్యూచర్స్ రూ.750 తగ్గి రూ.71,390 వద్ద ముగిసింది. బంగారం ఆల్ టైమ్ గరిష్టం రూ.56,200తో పోలిస్తే రూ.7400 తక్కువగా ఉంది. వెండి ధరలు ఆల్ టైమ్ గరిష్టం రూ.79,000తో రూ.7,500కు పైగా తక్కువగా ఉంది. డాలర్, బాండ్ యీల్డ్స్ క్రమంగా పుంజుకోవడం పసిడి పైన ప్రభావం చూపుతుంది. అంతర్జాతీయ మార్కెట్లోను ధరలు క్షీణించాయి.

రూ.49వేలకు సమీపంలో...

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల జూన్ గోల్డ్ ఫ్యూచర్స్ నేడు ఉదయం సెషన్లో రూ.14.00 (0.03%) పెరిగి రూ.48798.00 వద్ద ట్రేడ్ అయింది. రూ.48,751.00 వద్ద ప్రారంభమైన ధర, రూ.48,817.00 వద్ద గరిష్టాన్ని తాకి, రూ.48,751.00 కనిష్టాన్ని తాకింది. ఆగస్ట్ గోల్డ్ ఫ్యూచర్స్ రూ.65.00 (0.13%) పెరిగి రూ.49290.00 వద్ద ట్రేడ్ అయింది. రూ.49290.00 వద్ద ప్రారంభమైన ధర, రూ.49,221.00 గరిష్టాన్ని, రూ.49,294.00 వద్ద కనిష్టాన్ని తాకింది.

రూ.71,500 దిగువన వెండి

వెండి ఫ్యూచర్ ధరలు ఉదయం స్వల్పంగా పెరిగాయి. జూలై సిల్వర్ ఫ్యూచర్స్ నేడు ఉదయం సెషన్లో రూ.4.00 (0.01%) పెరిగి రూ.71415.00 వద్ద ట్రేడ్ అయింది. రూ.71,337.00 వద్ద ప్రారంభమై, రూ.71,443.00 వద్ద గరిష్టాన్ని తాకి, రూ.71,244.00 వద్ద కనిష్టాన్ని తాకింది. సెప్టెంబర్ సిల్వర్ ఫ్యూచర్స్ రూ.72.00 (-0.10%) తగ్గి రూ.72519.00 వద్ద ట్రేడ్ అయింది. 72,525.00 వద్ద ప్రారంభమైన ధర, రూ.72,558.00 గరిష్టాన్ని, రూ.72,519.00 కనిష్టాన్ని తాకింది

అంతర్జాతీయ మార్కెట్లో...

అంతర్జాతీయ ఫ్యూచర్ మార్కెట్లోను బంగారం ధరలు తగ్గాయి. 1900 డాలర్ల దిగువకు వచ్చినప్పటికీ అక్కడే కదలాడుతున్నాయి. అంతర్జాతీయ మార్కెట్లో గోల్డ్ ఫ్యూచర్స్ నేడు 1.40 (0.07%) డాలర్లు తగ్గి 1,899.45 డాలర్ల వద్ద కదలాడింది. నేటి సెషన్లో 1,892.10 - 1,897.95 డాలర్ల మధ్య కదలాడింది. సిల్వర్ ఫ్యూచర్స్ కూడా పెరిగింది. 0.089 (0.32%) డాలర్లు తగ్గి 27.788 డాలర్ల వద్ద ట్రేడ్ అయింది. నేటి సెషన్లో 27.587 - 27.812 డాలర్ల మధ్య కదలాడింది.