చైనాకు భారీగా పెరిగిన ఎగుమతులు, అక్కడికే పెరిగాయ్

దేశీయ ఎగుమతుల్లో మంచి పెరుగుదలను నమోదు చేసింది. చైనా, ఇతర ఆసియా దేశాలకు జూలై మాసంలో ఎగుమతులు 78 శాతం మేర పెరిగాయి. ఈ మేరకు క్రిసిల్ తెలిపింది. మొత్తం ఎగుమతుల్లో ఇవి పదహారు శాతానికి సమానం. ఏప్రిల్ నెలలో ఎగుమతులు 60.2 శాతం, మే నెలలో 50 శాతం, జూన్ నెలలో 30 శాతం క్షీణించాయి. అయితే జూలై నెలలో మాత్రం క్షీణత 10.2 శాతానికి పరిమితమైంది.

జూలైలో ఎగుమతులు చైనాకు 78 శాతం కాగా, మలేసియాకు 76 శాతం, వియత్నాంకు 43 శాతం, సింగపూర్‌కు 37 శాతం చొప్పున పెరిగాయి. అదే సమయంలో యూఏఈకి 53.2 శాతం, బ్రిటన్‌కు 38.8 శాతం, అమెరికాకు 11.2 శాతం, బ్రెజిల్‌కు 6.3 శాతం మేర తగ్గాయి. కరోనా మహమ్మారిని మొదట అదుపులో పెట్టిన దేశాలకు ఎగుమతులు పెరిగాయి.

చైనాకు ఏప్రిల్ - జూలై నెలలో 31 శాతం పెరిగి 7.29 బిలియన్ డాలర్లుగా ఉంది. ఇతర ఎగుమతులు 29.99 శాతం మేర తగ్గాయి. చైనాకు గత ఏడాది ఏప్రిల్-జూలై మధ్య 5.57 బిలియన్ డాలర్లుగా ఉండగా ఈసారి 30.71 శాతం పెరిగి 7.29 డాలర్లు పెరిగింది. మొత్తంగా ఎగుమతులు గత ఏడాది ఇదే కాలంలో 107.14 డాలర్లు కాగా, ఈసారి 75.01 డాలర్లుగా ఉంది.