తొలిసారి టాస్క్‌ఫోర్స్, భారత్‌కు 40 దిగ్గజ కంపెనీల సహకారం: సీఈవోల కీలక నిర్ణయం

20వేల ఆక్సిజన్ కాన్సంట్రేటర్లు

దీనిని యూఎస్-ఇండియా బిజినెస్ కౌన్సిల్ ఆఫ్ ది యూఎస్ చాంబర్స్ ఆఫ్ కామర్స్, యూఎస్-ఇండియా స్ట్రాటెజిక్ అండ్ పార్ట్‌నర్‌షిప్ ఫోరమ్ అండ్ బిజినెస్ రౌండ్ టేబుల్ వంటి వాణిజ్య సంఘాలు స్వయంగా పర్యవేక్షించనున్నాయి. ఈ మేరకు సోమవారం జరిగిన సమావేశంలో భారత్‌కు సహకరించాలని నిర్ణయించాయి. వచ్చే కొద్ది వారాల్లో 20వేల వరకు ఆక్సిజన్ కాన్సంట్రేటర్లను భారత్‌కు అందించాలని నిర్ణయించినట్లు డెలాయిట్ సీఈవో పునీత్ రెంజెన్ తెలిపారు.

త్వరలో సేవింగ్ పరికరాలు

ఈ కొత్త అమెరికా పబ్లిక్-ప్రయివేట్ ఫార్ట్‌నర్‌షిప్ త్వరలో భారత్‌కు కీలకమైన మెడికల్ వస్తువుల సరఫరా, వ్యాక్సీన్, ఆక్సిజన్, ఇతర లైఫ్ సేవింగ్ పరికరాలను అందించనుంది. ఓ దేశంలో నెలకొన్న ఆరోగ్య సంక్షోభాన్ని రూపుమాపేందుకు అంతర్జాతీయస్థాయిలో కార్పోరేట్ వర్గాలు టాస్క్ ఫోర్స్‌గా ఏర్పడటం ఇదే మొదటిసారి. సాధ్యమైనంత త్వరగా, సాధ్యమైన మార్గంలో భారత్‌కు సహకరించేందుకు అమెరికాలు సిద్ధమని చెబుతున్నారు.

25వేల ఆక్సిజన్ కాన్సంట్రేటర్లు

ఈవారం మధ్యలో భారత్‌కు వెయ్యి ఆక్సిజన్ కాన్సంట్రేటర్లు చేరనున్నట్లు చెబుతున్నారు. మే 5వ తేదీ నాటికి ఆ సంఖ్య 11,000కు చేరుకోవచ్చునని అంటున్నారు. మొత్తం 25 వేల ఆక్సిజన్ కాన్సంట్రేటర్లు పంపించాలని లక్ష్యంగా పెట్టుకున్నారు. అవసరమైతే అంతకుమించి పంపించనున్నారు. తర్వాత దశలో 10 లీటర్లు, 45 లీటర్ల ఆక్సిజన్ సిలిండర్లు, ఇతర మానిటరింగ్ కిట్స్ పంపించనున్నారు. తాజాగా ఏర్పడిన టాస్క్‌ఫోర్స్‌లో ఈ-కామర్స్, రిటైల్, ఫార్మా, టెక్, తయారీ రంగాల పరిశ్రమలు భాగస్వామ్యం అయ్యాయి.