బంగారంలో రకాలు తెలుసా?
బంగారు ఆభరణాలలో విభిన్న రకాల బంగారాన్ని వినియోగిస్తుంటారు. దీనివల్ల ఆ ఆభరణం అందం మరింతగా పెరుగుతుంది. ఆభరణాల వినియోగదారుల్లో అభిరుచులు మారుతున్న నేపథ్యములో విభిన్న రకాల బంగారంతో కూడిన ఆభరణాలు అందుబాటులోకి వస్తున్నాయి. ఇలాంటి బంగారంలో ఉన్న రకాల గురించి తెలుసుకుందామా...
పసుపు బంగారం : ఈ బంగారాన్ని బంగారం, రాగి, జింక్ ల కలయికతో తయారు చేస్తారు. ఈ బంగారం రంగాలు ఎక్కువ కాలం నిలిచి ఉంటుంది. ఈ బంగారం 24 క్యారెట్లు (99.9 శాతం స్వచ్ఛత), 22 క్యారెట్లు (91.6 స్వచ్ఛత), 18 క్యారెట్ (75 శాతం స్వచ్ఛత), 14 క్యారెట్ (58. 3 శాతం స్వచ్ఛత). ఈ బంగారాన్ని ఆభరణాల తయారీలో ఎక్కువగా వినియోగిస్తున్నారు.
మీ చిన్నారి కోసం 'సుకన్య సమృద్ధి యోజనా'
తెల్ల బంగారం : ఈ బంగారంలో బంగారంతో పాటు ప్లాటినం/పల్లాడియం ఉంటుంది. బంగారం, పల్లాడియం, నికెల్, జింక్ తోనూ ఈ బంగారాన్ని తయారు చేస్తారు. ఈ బంగారం ఎక్కువకాలం మన్నికగా ఉంటుంది. పసుపు బంగారంపై గీతలు పడటానికి అవకాశం ఉంటుంది. కానీ తెల్ల బంగారంపై ఆ అవకాశం ఉండదు. ఈ బంగారం ధర పచ్చ బంగారం, ప్లాటినం ధరకన్నా తక్కువగా ఉంటుంది. ఈ బంగారానికి గత పది నుంచి ఇరవై ఏళ్ళ నుంచి ఎక్కువ ఆదరణ లభిస్తోంది. ఈ బంగారాన్ని ఎంగేజిమెంట్, వెడ్డింగ్ రింగ్స్ కోసం వినియోగిస్తున్నారు.
రోజ్ గోల్డ్ : బంగారం, రాగి కలయికతో ఈ బంగారాన్ని తయారు చేస్తారు. ఇందులో 75 శాతం బంగారం, 25 శాతం రాగి ఉంటుంది. ఆడ,మగవాళ్ళు రింగుల కోసం ఇలాంటి బంగారాన్ని వినియోగిస్తున్నారు. ఈ బంగారం ధర తక్కువ ఉంటుంది.