Vivad Se Vishwas: ఆ స్కీం ద్వారా రూ.1 లక్ష కోట్ల పన్ను పరిష్కారం

ప్రత్యక్ష పన్ను వివాదాల పరిష్కారం కోసం కేంద్ర ప్రభుత్వం తీసుకువచ్చిన వివాద్ సే విశ్వాస్ పథకానికి ఆదరణ లభిస్తోంది. ఆదాయ పన్ను శాఖతో పన్ను వివాధాలు కలిగిన 5 లక్షల యూనిట్లలో దాదాపు లక్ష యూనిట్లు వివాద్సే విశ్వాస్ పథకాన్ని ఎంపిక చేసుకున్నాయి. ఈ మేరకు కేంద్ర ఆర్థిక కార్యదర్శి అజయ్ భూషణ్ పాండే తెలిపారు. వివాదాల పరిష్కారం కోసం ఈ పథకాన్ని గత బడ్జెట్‌లో ప్రవేశ పెట్టారు.

పలు అప్పిలేట్ వేదికల వద్ద 4.8 లక్షల అప్పీళ్ల పరిష్కారం కోసం వేచి చూస్తుండగా, ఇందుకు సంబంధించి రూ.9.32 లక్షల కోట్లు బ్లాక్ అయ్యాయి.
ఇలా అపరిష్కృతంగా ఉన్న కేసుల్లో 96,000 కేసులు ఈ పథకాన్ని ఎంపిక చేసుకున్నాయి. వీటి వ్యాల్యూ రూ.83,000 కోట్లు.

వివాద్ సే విశ్వాస్ పథకం డిసెంబర్ 31తో ముగిసినప్పటికీ కేంద్రం జనవరి 31, 2020 వరకు పొడిగించింది. వివాద్ సే విశ్వాస్ స్కీం ఎంచుకున్న సంస్థలు అవసరమైన మేర పన్ను చెల్లింపులు జరిపితే ఆ వివాదానికి అంతటితో ఐటీ శాఖ ముగింపు పలుకుతుంది. న్యాయపరమైన చర్యలు ఉండవు. రూ.లక్ష కోట్లకు పైగా పన్ను డిమాండ్లను పరిష్కరించినట్టు తెలిపారు.