Prem Raheja: పాన్ అమ్మి నెలకు రూ.కోటి సంపాదిస్తున్న వ్యక్తి..!

సీటిలో గల్లీకి ఒకటో రెండో పాన్ షాపులు ఉంటాయి. పాన్ షాపు నడిపే వారికి రోజుకు రూ.1000 నుంచి రూ.2000 వస్తాయి. ఇలా వీరు నెలకు రూ.30000 నుంచి రూ.60000 సంపాదిస్తారు. కానీ ఓ వ్యక్తి పాన్ అమ్ముతూ నెలకు రూ.కోటి సంపాదిస్తున్నాడు. అది ఎవరో కాదు ప్రేమ్ రహెజా.
బెటల్ లీఫ్ అనే కంపెనీ ప్రారంభించి పాన్ తో పరిశ్రామికవేత్తగా ఎదిగాడు. చాలా మంది మంచి భోజనం తర్వాత పాన్ తీసుకుంటారు.

పాన్ కు ఉపయోగించే ఆకు కూడా కొన్ని ఆరోగ్య ప్రయోజనాలను కలిగి ఉండే పోషకాలతో సమృద్ధిగా ఉంటుంది. యాంటిసెప్టిక్, స్టిమ్యులేంట్, శ్వాస-ఫ్రెష్‌నర్‌గా పనిచేస్తుంది. ఇది జీర్ణక్రియను మెరుగుపరుస్తుంది. పురాతన కాలంలో, రాజులు, మహారాజులు తమ అతిథులకు భోజనం తర్వాత పాన్‌ ఇచ్చారని బెంగళూరు ఆధారిత స్టార్టప్ ది బెటెల్ లీఫ్ కో వ్యవస్థాపకుడు, CEO అయిన ప్రేమ్ రహేజా చెప్పారు.

ఇంటర్నేషనల్ రీసెర్చ్ జర్నల్ ఆఫ్ ఎడ్యుకేషన్ అండ్ టెక్నాలజీ ప్రకారం, ప్రపంచవ్యాప్తంగా దాదాపు 100 రకాల తమలపాకు తీగలు పెరుగుతాయి. వాటిలో 40 రకాలు భారతదేశంలోనే కనిపిస్తాయి. తమలపాకులను ప్రాచీన కాలం నుంచి సాగు చేస్తున్నప్పటికీ, ఇది గత రెండు మూడు దశాబ్దాలలో గణనీయమైన వాణిజ్య ప్రాముఖ్యతను సంతరించుకుంది. కాలక్రమేణా పాన్ వినియోగం భారీగా పెరిగింది.

దీన్ని అవకాశంగా మార్చుకున్న ప్రేమ్ రహెజా బెటల్ లీఫ్ కంపెనీ ప్రారంభించి విజయం సాధించారు. అలాస్కా, చైనాలో మెక్‌డొనాల్డ్స్ ఒకే బర్గర్‌ను విక్రయించగలిగినప్పుడు, కస్టమర్‌లు ప్రతిచోటా, ప్రతిసారీ ఒకే రకమైన పాన్‌ను కొనుగోలు చేయడానికి వీలు కల్పించే రెసిపీ-ఆధారిత మోడల్‌ను ఎందుకు చేయలేమని భావించిన రహేజా. మొదట 17 భారతీయ నగరాల్లో 40 డార్క్ కిచెన్‌లను ప్రారంభించారు. తాజాగా తయారు చేసిన పాన్‌లను కస్టమర్ల డోర్‌ డెలవరీ చేస్తున్నారు.