నేటి నుండి అందుబాటులోకి కొత్త ఇన్‌కం ట్యాక్స్ ఈ-ఫైలింగ్ పోర్టల్

కొత్త ట్యాక్స్ పేయర్ ఫ్రెండ్లీ ఈ-ఫైలింగ్ పోర్టల్ నేటి (జూన్ 7) నుండి అందుబాటులోకి వస్తోంది. ఈ మేరకు సోమవారం ఆదాయ పన్ను శాఖ దీనిని ప్రారంభిస్తోంది. ఇప్పటి వరకు పాత ఆదాయ పన్ను శాఖ పోర్టల్ అందుబాటులో లేదు. జూన్ 1వ తేదీ నుండి జూన్ 6వ తేదీ వరకు అందుబాటులో లేదు.

ఆదాయపు పన్ను రిటర్న్స్‌ను మరింత ఈజీ చేయడంతో పాటు మొబైల్ ఫోన్‌లో ఉపయోగించుకునేలా ఈ-ఫైలింగ్ పోర్టల్ ఉంటోంది. ఇప్పటి వరకు ఉన్న వెబ్‌సైట్ స్థానంలో జూన్ 7వ తేదీ నుండి http:///incometax.gov.in అందుబాటులోకి వస్తుందని ఆదాయపు పన్ను శాఖ గత నెలలోనే తెలిపింది. ఇందులో ముందుగా పూర్తి చేసిన ఐటీ ఫామ్స్ ఉంటాయి. ఇ-ఫైలింగ్ 2.0 పోర్టల్‌లో కొత్త మొబైల్ యాప్ ఉంటుంది.

ఇందులో రిటర్న్స్‌ను ఎలా దాఖలు చేయాలనే అంశాలపై వీడియోలు, ఇతర సమాచారం ఉంటుంది. కొత్త పోర్టల్ కార్యకలాపాలు జూన్ 7వ తేదీ నుండి ప్రారంభమవుతున్నాయి. ఒకే డాష్‌బోర్డ్ మీద అన్ని రకాల అప్‌లోడ్స్, పెండింగ్స్ తెలుసుకునే ఈ కొత్త పోర్టల్ ఉంటుంది. నెట్ బ్యాంకింగ్, యూపీఐ, ఆర్టీజీఎస్, నెఫ్ట్, ఇతర మల్టిపుల్ పేమెంట్ ఆప్షన్స్ పొందుపరిచారు. దీనివల్ల ట్యాక్స్‌పేయర్స్ త్వరితగతిన తమ అకౌంట్లను చెక్ చేసుకునే వెసులుబాటు ఉంటుంది. ట్యాక్స్ పేయర్స్‌కు హెల్ప్ డెస్క్ అసిస్టెన్స్ ఉంటుంది. అలాగే వివిధ పేమెంట్ ఆప్షన్స్ అందుబాటులో ఉంటాయి. ఈ సరికొత్త పోర్టల్ సురక్షితం. పలు లాగిన్ ఆప్షన్స్ ఉండటం దీని ప్రత్యేకత.