For Quick Alerts
ALLOW NOTIFICATIONS  
For Daily Alerts

మందగమనంలోను సాఫ్టువేర్ అదుర్స్, మొత్తం 43.6 లక్షల ఉద్యోగాలు, కానీ హెచ్చరిక..!

|

ప్రపంచవ్యాప్తంగా, దేశవ్యాప్తంగా ఆర్థిక మందగమనం నేపథ్యంలోను టెక్ ఇండస్ట్రీ 2 లక్షల కొత్త ఉద్యోగాలను సృష్టించిందని నాస్‌కాం ప్రశంసించింది. మార్చి 31, 2020తో ముగిసే ఆర్థిక సంవత్సరానికి ఇండియా టెక్నాలజీ సెక్టార్ వృద్ధి రేటు 7.7 శాతం పెరిగి 191 బిలియన్ డాలర్లకు చేరుకుంటుందని అంచనా వేసింది. గత ఏడాది 8.1 శాతం వృద్ధి రేటు కాగా, మందగమనం నేపథ్యంలో ఇప్పుడు స్వల్పంగా తగ్గనుంది.

12 ఏళ్లలో 90% హరించుకుపోయిన ఆస్తి: 12 ఏళ్లలో ప్రపంచ కుబేరుడి నుండి జీరోకు పడిపోయిన అనిల్ అంబానీ

2 లక్షలకు పైగా ఉద్యోగాలు

2 లక్షలకు పైగా ఉద్యోగాలు

మందగమనం వంటి వివిధ సవాళ్లు ఉన్నప్పటికీ భారత ఇన్ఫర్మేషన్ టెక్నాలజీ రంగం వృద్ధి పథంలో సాగుతోంది. 2019-20 ఆర్థిక సంవత్సరంలో ఇప్పటి వరకు ఈ రంగంలో 2.05 లక్షల మందికి కొత్తగా ఉద్యోగాలు కల్పించింది. దీంతో దేశ ఐటీ, బీపీఓ రంగంలో పని చేస్తోన్న ఉద్యోగుల సంఖ్య 43.6 లక్షలకు చేరుకుందని టెక్ కంపెనీలకు ప్రాతినిథ్యం వహించే నాస్‌కాం జాతీయ చైర్మన్ కేశవ్ మురుగేష్ చెప్పారు.

వృద్ధి రేటు తగ్గడానికి కారణం...

వృద్ధి రేటు తగ్గడానికి కారణం...

2019-20 ఆర్థిక సంవత్సరంలో పరిశ్రమ ఆదాయం 8.4% వృద్ధిరేటుతో 191 బిలియన్ డాలర్లకు(దాదాపురూ.13.50 లక్షల కోట్లు) చేరుకుంటుందని నాస్‌కాం అంచనా వేసింది. అయితే డాలర్‌తో రూపాయి తరుగుదల వంటి అంశాలను పరిగణనలోకి తీసుకుంటే మాత్రం ఆదాయ వృద్ధిరేటు 7.7% పరిమితమైంది.

23 శాతం పెరిగినప్పటికీ...

23 శాతం పెరిగినప్పటికీ...

ఏడాది డిజిటల్ టెక్నాలజీ సేవల ఆదాయం 23% వరకు పెరగనుందని నాస్‌కాం పేర్కొంది. ట్రేడ్ వార్, అభివృద్ధి చెందిన దేశాలు అనుసరిస్తున్న స్వీయ వాణిజ్య రక్షణ విధానాలు మన సాఫ్టువేర్ ఎగుమతులకు ప్రధాన అడ్డంకులని పరిశ్రమ వర్గాలు చెబుతున్నాయి. కొత్త తరం డిజిటల్ ఆదాయాల్లో వృద్ధి నమోదైందని, అయితే భవిష్యత్తపై మాత్రం జాగరూకతతో కూడిన ఆశావహ దృక్పథంతో ఉన్నట్లు నాస్‌కాం తెలిపింది.

కొత్త డిజిటల్ టెక్నాలజీ శిక్షణ కోసం 1.5 శాతం ఖర్చు

కొత్త డిజిటల్ టెక్నాలజీ శిక్షణ కోసం 1.5 శాతం ఖర్చు

బ్రెగ్జిట్ ప్రభావంపై స్పష్టత రావాల్సి ఉంది. ఐటీ, బీపీఓ రంగంలో ఉన్న ఉద్యోగులకు కొత్త డిజిటల్ టెక్నాలజీల నైపుణ్యాలపై శిక్షణ ఇవ్వడం కూడా పరిశ్రమకు పెద్ద సవాల్‌గా మారింది. ఇందుకోసం పరిశ్రమవర్గాలు తమ ఆదాయంలో 1.5 శాతం వరకు ఖర్చు చేయవలసి వస్తోంది. ఇదిలా ఉండగా, ఐటీపై కరోనా ప్రభావం విషయంలోను స్పష్టంత రావాల్సి ఉంది.

English summary

NASSCOM lauds tech industry for 2 lakh new hires despite economic slowdown

Murugesh, who is the chief executive of WNS Global Services Group, said that during the year so far the industry has net added 2 lakh jobs, taking the overall workforce to 4.36 million.
Story first published: Thursday, February 13, 2020, 9:18 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more