అనిల్ అంబానీపై సెబి నిషేధం, అప్పటి వరకు నిధుల సమీకరణ వద్దు

సెక్యూరిటీ మార్కెట్‌లలో పాల్గొనకుండా రిలయన్స్ హోమ్ ఫైనాన్స్‌తో పాటు పారిశ్రామికవేత్త అనిల్ అంబానీ, మరో ముగ్గురిపై సెబి నిషేధం విధించింది. ఈ కంపెనీలో మోసపూరిత కార్యకలాపాలు చేపట్టారన్నది వీరిపై ప్రధాన ఆరోపణ. అమిత్ బప్నా, రవీంద్ర సుధాకరణ, పింకేష్ ఆర్ షాలు ఈ జాబితాలో ఉన్నారు.

సెబి వద్ద నమోదైన ఏ ఇంటర్మీడియేటరీతో కానీ, ఏ లిస్టెడ్ కంపెనీతో గానీ లేదా ఏ పబ్లిక్ కంపెనీకి చెందిన డైరెక్టర్లు లేదా ప్రమోటర్ల నుండి కానీ తదుపరి ఉత్తర్వులు అందే వరకు ఈ వ్యక్తులు నిధుల సమీకరణ చేపట్టరాదని మార్కెట్ నియంత్రణాధికార సంస్థ జారీ చేసిన 100 పేజీల మధ్యంతర ఆదేశాల్లో పేర్కొంది.