ఐటీ ఫైలింగ్‌కు కొత్త ఆఫ్‌లైన్ యుటిలిటీ, ప్రారంభించిన ఐటీ శాఖ

ఆదాయ పన్ను శాఖ 2020-21 ఆర్థిక సంవత్సరానికి ఐటీ రిటర్న్స్ ఫైల్ చేసే వారికి ITR-1, 4 ఫైలింగ్‌కి ఆఫ్‌లైన్ యుటిలిటీని ప్రారంభించింది. జావా స్క్రిప్ట్ ఆబ్జెక్ట్ నొటేషన్ టెక్నాలజీతో పని చేసే ఈ వర్షన్ కంప్యూటర్లపై భారాన్ని పెంచేది కాకుండా తేలిగ్గా ఉంటుంది. ఇది ఐటీ శాఖ ఈ-ఫైలింగ్ పోర్టల్‌లో అందుబాటులో ఉంటుంది. విండోస్ 7, తదుపరి వర్షన్లు ఉన్న ఆపరేటింగ్ సిస్టంతో కూడిన కంప్యూటర్లపై డౌన్‌లోడ్ చేసుకోవచ్చునని తెలిపింది.

పన్ను చెల్లింపుదార్లు 2020-21 ఆర్థిక సంవత్సరానికి సంబంధించి (2021-22 అసెస్‌మెంట్ ఇయర్) ఐటీఆర్-1, 4 ఫారాలు సమర్పించేందుకు ప్రారంభించిన ఆఫ్‌లైన్ యుటిలిటీ సదుపాయం ఇ-ఫైలింగ్ పోర్టల్‌లో అందుబాటులో ఉంది. జావాస్క్రిప్ట్ ఆబ్జెక్ట్ నొటేషన్ సాంకేతిక విధానంతో తీసుకు వచ్చిన ఈ ఫారాల్లో సమాచారాన్ని చాలా సులువుగా నింపవచ్చునని ఐటీ విభాగం తెలిపింది. ఈ ఆఫ్‌లైన్ ఫారాలను డౌన్‌లోడ్ చేసుకోవచ్చని, కంప్యూటర్లలో ఆపరేటింగ్ సిస్టమ్ విండోస్ 7 లేదా దాని తర్వాత వర్షన్ అందుబాటులో ఉంటే సరిపోతుందని వెల్లడించింది.

ఆఫ్‌లైన్ యుటిలిటీ ప్రస్తుతానికి ఐటీఆర్-1, 4 ఫారాలకు మాత్రమే అందుబాటులో ఉంది. మిగతా ఫారాలకు కూడా ఈ విధానాన్ని తర్వాత తీసుకొస్తామని తెలిపింది. ఐటీఆర్-1, 4 ఫారాలను ఎలా సమర్పించాలో కూడా వెల్లడించింది. ఐటీఆర్ ఫారమ్ 1 (సహజ్), ఐటీఆర్ ఫారం 4 (సుగమ్) చాలా సరళంగా ఉంటాయి.