హమ్మయ్య.. బంగారం ధరల భారీ పతనం ; నేడు తెలుగురాష్ట్రాల్లో ధరలిలా !!

నిన్నమొన్నటిదాకా విపరీతంగా పెరిగిన బంగారం ధరలు నేడు ఒక్కసారిగా మళ్లీ పడిపోయాయి. బంగారం ధరల్లో భారీ పతనం కనిపించింది. 10 గ్రాముల 22 క్యారెట్ల బంగారం 400 రూపాయలు, 10 గ్రాముల 24 క్యారెట్ల బంగారానికి 440 రూపాయల మేర బంగారం ధరలు తగ్గాయి. దీంతో బంగారం కొనుగోలుదారులకు కాస్త ఊరట లభించినట్లయింది.

గత కొంత కాలంగా ఆల్టైమ్ రికార్డు ధరలను బద్దలు కొడుతూ దూసుకుపోతున్న బంగారం ధర తాజాగా పడిపోయింది. ప్రస్తుతం ఆర్నమెంట్ గోల్డ్ ధర 57 వేల రూపాయల దిగువకు ఉండగా, స్వచ్ఛమైన బంగారం ధర 62 వేల రూపాయల దిగువకు చేరుకుంది. అంతర్జాతీయ ప్రతికూల పరిస్థితుల నేపథ్యంలో బంగారం ధరలలో విపరీతమైన హెచ్చుతగ్గులు చోటు చేసుకుంటున్నాయి.

దేశీయంగా నేటి బంగారం ధరలను చూస్తే హైదరాబాద్ లో 10 గ్రాముల 22 క్యారెట్ల బంగారం ధర 56,550 రూపాయలుగా విక్రయించబడుతుంటే, 10గ్రాముల 24 క్యారెట్ల బంగారం ధర 61, 690 గా ప్రస్తుతం ట్రేడవుతోంది. దేశ రాజధాని ఢిల్లీ లో 10 గ్రాముల 22క్యారెట్ల బంగారం ధర 56,650 రూపాయలుగా ట్రేడ్ అవుతుంటే, స్వచ్ఛమైన బంగారం పది గ్రాముల ధర 61,840 రూపాయలుగా ట్రేడవుతోంది.

దేశ ఆర్థిక రాజధాని ముంబైలో ఆర్నమెంట్ గోల్డ్ ధర ప్రస్తుతం 56, 550 రూపాయలు గా 10 గ్రాములకు విక్రయించబడుతుంటే, స్వచ్ఛమైన బంగారం 10 గ్రాముల కు ముంబైలో 61 వేల 690 రూపాయలు గా ప్రస్తుతం ట్రేడవుతోంది. బెంగళూర్ లో 10 గ్రాముల 22 క్యారెట్ల బంగారం ధర 56,600 రూపాయలు కాగా, 10 గ్రాముల 24 క్యారెట్ల బంగారం ధర 61వేల 740 రూపాయలుగా విక్రయించబడుతుంది.

ఆంధ్రప్రదేశ్ రాష్ట్రంలోని విజయవాడ, విశాఖపట్నం, గుంటూరు, చిత్తూరు, కర్నూలు, నెల్లూరు, ప్రకాశం, రాజమండ్రి, కాకినాడ లో 10 గ్రాముల 22 క్యారెట్ల బంగారం ధర 56,550 రూపాయలుగా ట్రేడ్ అవుతుంటే, 10 గ్రాముల 24 క్యారెట్ల బంగారం ధర 61 వేల 690 రూపాయలుగా ప్రస్తుతం కొనసాగుతుంది.