జీఎస్టీ చెల్లింపుదారుల కోసం సరికొత్త ఫీచర్ ఐటీసీ ఎలిజిబిలిటీ
జీఎస్టీ చెల్లింపుదారులకు జీఎస్టీ నెట్వర్క్ సరికొత్త వెసులుపాటును అందుబాటులోకి తీసుకు వచ్చింది. స్నేహపూర్వక ఫీచర్ను మంగళవారం (ఆగస్ట్ 18) ప్రవేశ పెట్టింది. దీని ద్వారా ఇన్పుట్ ట్యాక్స్ క్రెడిట్ (ITC) అర్హతను తెలుసుకోవచ్చు. జీఎస్టీఆర్-9 ఫామ్లో ఆ సమాచారాన్ని అందుబాటులో ఉంచుతుంది. దీంతో జీఎస్టీఆర్9ను మరింత సులభంగా ఫైల్ చేయవచ్చు.
ఐటీ రిటర్న్స్లో అధిక వ్యాల్యూ ట్రాన్సాక్షన్స్ వివరాలు వద్దు: ఐటీ శాఖ క్లారిటీ
ఇప్పటి వరకు జీఎస్టీ వ్యవస్థలో సరఫరాదారు విక్రయ రిటర్న్స్-జీఎస్టీఆర్1ను బట్టి ఐటీసీ అర్హతను లెక్కవేసేవారు. ఇన్వాయిస్ స్థాయిలో ఆ బ్రేకప్ ఉండేదికాదు. పన్ను చెల్లంపుదారులు ఐటీసీ లెక్కింపుపై ప్రశ్నలు లేవెనెత్తుతూనే ఉన్నారు.
దీంతో సరఫరాదారులు ఫైల్ చేసే ప్రతి ఇన్వాయిస్ను చూపిస్తూ ఆ ఇన్వాయిస్కు ఉన్న అర్హతను కూడా అందులో కనిపించేలా చేస్తూ మొత్తం గణనను పన్ను చెల్లింపుదారుల ముందుకు తెచ్చేలా ఈ ఫీచర్ను అభివృద్ధి చేసినట్లు జీఎస్టీఎన్ ఓ ప్రకటనలో తెలిపింది. దీని కోసం జీఎస్టీ పోర్టల్లోని జీఎస్టీఆర్9 డ్యాష్ బోర్డులో డౌన్ లోడ్ టేబుల్ 8ఏ డిటైల్స్ ట్యాబ్లో ఉన్నాయి.