గుడ్ న్యూస్ : నేడు కూడా క్షీణత వైపే బంగారం ధరలు; తెలుగురాష్ట్రాల్లో బంగారం ధరలిలా!!

బంగారం ధరలు వరుసగా పడిపోతున్నాయి. నిన్న భారీగా పడిపోయిన బంగారం ధరలు, నేడు మరోమారు క్షీణించాయి. దీంతో నేడు భారతదేశంలో 10 గ్రాముల 22 క్యారెట్ల బంగారం ధర 150 రూపాయలు తగ్గి 55,650 రూపాయల వద్ద ట్రేడవుతోంది. 10 గ్రాముల 24 క్యారెట్ల బంగారం ధర 160 రూపాయలు తగ్గి 60,710 రూపాయల వద్ద ట్రేడవుతోంది.

బంగారం కొనుగోలు చేయాలని భావించిన వారికి ప్రస్తుతం తగ్గుతున్న బంగారం ధరలు తీపికబురు చెప్పినట్టుగా అయింది. 2000 రూపాయల నోట్ల ఉపసంహరణ నేపథ్యంలో బంగారం కొనుగోలు డిమాండ్ పెరుగుతున్న వేళ, బంగారం ధరలు కాస్త తగ్గడం గోల్డ్ లవర్స్ కు నిజంగా ఊరటను ఇచ్చినట్టుగా మారింది. తాజాగా దేశంలోని వివిధ నగరాల్లో బంగారం ధరలు ఈ విధంగా ఉన్నాయి.

హైదరాబాద్ లో 10 గ్రాముల 22 క్యారెట్ల బంగారం ధర నిన్న 55,800 రూపాయలు కాగా, నేడు 150 రూపాయలు తగ్గి 55,650 రూపాయల వద్ద ట్రేడవుతోంది. 10 గ్రాముల 24 క్యారెట్ల బంగారం ధర నిన్న హైదరాబాద్ లో 60 వేల 870 రూపాయలు కాగా, నేడు ఈ ధర 160 రూపాయలు తగ్గి 60వేల 710 వద్ద ట్రేడవుతోంది.

దేశ రాజధాని ఢిల్లీలో 10 గ్రాముల 22 క్యారెట్ల బంగారం ధర 55, 800 రూపాయలు కాగా 10 గ్రాముల 24 క్యారెట్ల బంగారం ధర 60, 860 రూపాయల వద్ద ప్రస్తుతం ట్రేడవుతోంది. దేశ ఆర్థిక రాజధాని ముంబైలో 10 గ్రాముల 22 క్యారెట్ల బంగారం ధర 55,650 రూపాయలు కాగా 10 గ్రాముల 24 క్యారెట్ల బంగారం ధర 60 వేల 710 రూపాయల వద్ద ట్రేడవుతోంది.

ఆంధ్ర ప్రదేశ్ రాష్ట్రంలోని విజయవాడ, విశాఖపట్నం, గుంటూరు, చిత్తూరు, కర్నూలు, నెల్లూరు, అనంతపురం, ప్రకాశం, కాకినాడ రాజమండ్రి లో 10 గ్రాముల 22 క్యారెట్ల బంగారం ధర 55,650 రూపాయలు కాగా 10 గ్రాముల 24 క్యారెట్ల బంగారం ధర 60 వేల 710 రూపాయల వద్ద ట్రేడవుతోంది.

బంగారం ధరలు ముందుముందు మరింత పెరిగే అవకాశం ఉందని నిపుణులు సూచిస్తున్న నేపథ్యంలో బంగారం కొనుగోలు చేయాలనుకునే వారు ప్రస్తుతం ధరలు తగ్గుతున్న సమయంలో కొనుగోలు చేసుకోవడం మంచిదని సూచిస్తున్నారు.అంతర్జాతీయ ప్రతికూల పరిణామాల నేపధ్యంలో ప్రస్తుతం బంగారం ధరలలో హెచ్చుతగ్గులు కనిపిస్తున్నాయి.