బంగారంపై చైనా కరోనా, అమెరికా జాబ్స్ ప్రభావం, ఈ రోజు ధర ఎలా ఉందంటే?

బంగారం ధరలు శుక్రవారం (జూన్ 19) స్వల్పంగా తగ్గాయి. ఇండియన్ బులియన్ అండ్ జ్యువెల్లర్స్ అసోసియేషన్ ప్రకారం 10 గ్రాముల బంగారం ధర రూ.47,571 నుండి రూ.47,496కు తగ్గింది. అదే సమయంలో వెండి ధర పెరిగింది. కిలో వెండి రూ.48,352 నుండి రూ.48,360కు చేరుకుంది. ఎక్సైజ్ డ్యూటీ, వివిధ రాష్ట్రాల్లో ట్యాక్స్, మేకింగ్ ఛార్జీలను బట్టి ఆయా ప్రాంతాల్లో ధరల్లో స్వల్ప మార్పులు ఉంటాయి.

చైనా పెట్టుబడులు: మన స్టార్టప్స్‌కు దెబ్బ.. అలా చేస్తే ఇబ్బందికరమే!'

వివిధ నగరాల్లో బంగారం ధరలు

దేశ రాజధాని ఢిల్లీలో 10 గ్రాముల 24 క్యారెట్ల బంగారం ధర రూ.40 పెరిగి రూ.రూ.47,450 పలికింది. 22 క్యారెట్ల బంగారం ధర నిన్నటి కంటే రూ.50 తగ్గి రూ.46,250గా ఉంది. చెన్నైలో 10 గ్రాముల 24 క్యారెట్ల బంగారం ధర రూ.49,650, 22 క్యారెట్ల బంగారం ధర రూ.45,510గా ఉంది. ముంబైలో 10 గ్రాముల 22 క్యారెట్ల బంగారం ధర రూ.46,100, 24 క్యారెట్ల బంగారం ధర రూ.47,100గా ఉంది. హైదరాబాద్, విజయవాడ, విశాఖపట్నంలో కూడా స్వల్పంగా రూ.40 పెరిగి రూ.49,650కి చేరుకుంది.

బంగారంపై అంతర్జాతీయ మార్కెట్ ప్రభావం

ఎంసీఎక్స్‌లో ఆగస్ట్ గోల్డ్ ఫ్యూచర్స్ నిన్న 10 గ్రాములకు 0.4 శాతం పెరిగి రూ.47,355 పలికింది. వెండి జూలై ఫ్యూచర్స్ 1.19 శాతం తగ్గి కిలోకు రూ.47,861 పలికింది. అమెరికాలో నిరుద్యోగిత రేటు తగ్గుముఖం పడుతుందనే వార్తల నేపథ్యంలో అంతర్జాతీయ మార్కెట్లో బంగారంపై ఒత్తిడి తగ్గింది. అలాగే చైనాలో కరోనా అదుపులోకి వస్తుందని వార్తలు వచ్చాయి. అంతర్జాతీయంగా కరోనా కేసులు తగ్గుముఖం పడటం వంటి కారణాలతో బంగారంపై ఒత్తిడి తగ్గింది. అంతర్జాతీయ మార్కెట్లో నిన్న ఔన్స్ స్పాట్ గోల్డ్ 0.2 శాతం తగ్గి 1,723.23 డాలర్లకు, గోల్డ్ ఫ్యూచర్స్ 0.3 శాతం తగ్గి 1,730.10 డాలర్లు పలికింది.

అందుకే బంగారం లాభాలు వదులుకోవాల్సి వచ్చింది!

చైనా నుండివస్తున్న సంకేతాల (కోరనా కేసులు తగ్గడం) నేపథ్యంలో బంగారం ఇప్పటి వరకు ఉన్న లాభాలను వదులుకోవాల్సి వచ్చిందని బులియన్ మార్కెట్ నిపుణులు చెబుతున్నారు. అమెరికాతో సహా ప్రపంచ దేశాల్లో నిరుద్యోగం తగ్గుతోందని, ఆర్థిక పరిస్థితులు క్రమంగా మెరుగుపడుతున్నాయని చెబుతున్నారు.