For Quick Alerts
ALLOW NOTIFICATIONS  
For Daily Alerts

ఆసియా దేశాల్లో సంస్ధలకు బ్యాడ్ నూస్ - చెల్లింపుల రిస్క్ తప్పదంటున్న రాయిటర్స్..

|

ప్రపంచ దేశాలను వణికిస్తున్న కరోనా రక్కసి ప్రభావం ఆర్ధిక వ్యవస్ధలో భాగస్వాములైన సంస్ధలపై ప్రత్యక్షంగా, పరోక్షంగా తీవ్రంగా ఉంది. కరోనా వ్యాప్తి, లాక్ డౌన్ ప్రభావంతో ఇప్పటికే కుదైలేన ఆసియా దేశాల సంస్ధలకు రాయిటర్స్ విశ్లేషణ చేదు కబురు చెప్పింది. ఇప్పటికే లాక్ డౌన్ తో కుదేలైన ఆసియా దేశాల సంస్ధలకు ఈ ఆర్ధిక సంవత్సరం మిగిలిన క్వార్టర్స్ లో తీవ్ర చెల్లింపుల సమస్యను ఎదుర్కోక తప్పదని రాయిటర్స్ అంచనా వేస్తోంది.

 రాయిటర్స్ విశ్లేషణ అంచనాలు...

రాయిటర్స్ విశ్లేషణ అంచనాలు...

ప్రపంచ దేశాలను కుదిపేస్తున్న కరోనా మహమ్మరి ప్రభావం భారత్, చైనాతో పాటు ఇతర ఆసియా దేశాల్లోని లక్షలాది సంస్ధలపై తీవ్రంగా పడింది. మార్చితో ముగిసిన క్వార్టర్ పరిస్ధితి గమనిస్తే గత 11 ఏళ్ల కనిష్ట స్ధాయికి ఆయా కంపెనీల నిర్వహణ లాభాలు- వడ్డీ చెల్లింపుల నిష్పత్తి పడిపోయింది. వాస్తవానికి జూన్ 2014 నుంచే సంస్ధల రుణాల చెల్లింపుల భారం పెరుగుతూ వస్తోంది. కరోనా దెబ్బకు ఇది మరింత పెరిగిపోవడంతో కంపెనీలు ఇప్పుడు హై డిఫాల్ట్ రిస్క్ కేటగిరిలోకి వచ్చేశాయి.

 ఈ రంగాలకు మరిన్ని కష్టాలు...

ఈ రంగాలకు మరిన్ని కష్టాలు...

ఎనర్జీ, రియల్ ఎస్టేట్, యుటిలిటీ రంగాల్లో ఉన్న సంస్ధలకు ఈ చెల్లింపుల రిస్క్ ఎక్కువగా ఉండబోతోందని తాజా విశ్లేషణలు చెబుతున్నాయి. చెల్లింపుల భారం అత్యధికంగా ఎదుర్కొనే సంస్ధల్లో ఎయిర్ లైన్స్‌ ముందు వరుసలో ఉన్నాయని రాయిటర్స్ విశ్లేషణ చెబుతోంది. కరోనా ప్రభావంతో ఎయిర్ లైన్స్ రాకపోకలు ప్రారంభమైనా ప్రయాణికులు ఆసక్తి చూపకపోవడమే ఇందుకు కారణంగా తెలుస్తోంది.

 మూడీస్ అంచనాలు ఇవే....

మూడీస్ అంచనాలు ఇవే....

మరో టాప్ రేటింగ్ సంస్ధ మూడీస్ కూడా తన తాజా అంచనాల్లో ఆసియా-ఆఫ్రికా దేశాల్లో ఆర్ధికేతర సంస్ధలు ఇచ్చే అప్పుల బకాయిల రేటు ఈ ఏడాది చివరి నాటికి భారీగా పెరగనుందని తేల్చిచెప్పింది. ఈ ఏడాది మార్చి నాటికి 2.3 శాతంగా ఉన్న వీటి అప్పుల బకాయిల రేటు ఈ ఏడాది చివరి నాటికి 6.4కు చేరుకోనుందని హెచ్చరించింది. వీటిలో కొన్ని సంస్ధలు బకాయిల బారిన పడకుండా ఉండేందుకు రుణాలను, ముఖ్యంగా ఆఫ్ షోర్ రుణాల రీస్ట్రక్చర్ కోసం ప్రయత్నించే అవకాశముందని మూడీస్ తెలిపింది.

 కరెన్సీల పతనం ప్రభావం...

కరెన్సీల పతనం ప్రభావం...

ఆసియా దేశాల్లో కరెన్సీల పతనం ప్రభావం రుణ బకాయిల చెల్లింపులపై తీవ్రంగా ఉండబోతోందని తాజా అంచనాలు తేల్చాయి. ప్రధానంగా డాలర్లలో తీసుకున్న రుణాల చెల్లింపులో వీటి ప్రభావం స్పష్టంగా కనిపిస్తోందని, దీనికి ప్రత్యామ్నాయాలు కూడా లేవని ఫిచ్‌ రేటింగ్స్ సంస్ధ తెలిపింది. మెచ్యూరిటీకి సిద్ధంగా ఉన్న డాలర్ బాండ్స్ ఆయా సంస్ధలకు మరింత సమస్యగా మారనున్నట్లు అంచనా వేస్తోంది. ఈ ఏడాది జూన్ నుంచి డిసెంబర్ మధ్య దాదాపు 100 బిలియన్ డాలర్ల విలువ కల డాలర్ బాండ్స్ మెచ్యూర్ అవుతున్నా, వీటి చెల్లింపుల పరిస్ధితి ఏంటో ఎవరూ చెప్పలేకపోతున్నారు.

అన్-లాక్: భారత ఆర్థిక వ్యవస్థ ఎప్పుడు, ఎలా కోలుకుంటుంది?

English summary

Asian Companies at Higher Risk of Default This Year Amid Pandemic

Asian companies are at high risk of default in the coming quarters than last year due to pandemic, a reuters analysis predicts.
Story first published: Monday, June 8, 2020, 15:24 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X