FPI

ప్రస్తుత ఆర్థిక సంవత్సరం మొదటి త్రైమాసికంలో విదేశీ పోర్టుఫోలియో ఇన్వెస్టర్లు ఇన్సూరెన్సు ఈక్విటీల్లో రూ. 7,761 కోట్ల పెట్టుబడులు పెట్టారు. జులైలో రూ.979 కోట్లు, అగస్ట్ ప్రథమార్ధంలో రూ. 482 కోట్ల పెట్టుబడులు పెట్టారు.

పన్ను దెబ్బ

బడ్జెట్ లో భాగంగా పెట్టుబడి దారులపై సూపర్ రిచ్ పన్ను సర్చార్జీని ప్రభుత్వం ప్రతిపాదించింది. దీని మూలంగా పెట్టుబడి దారుల్లో ఆందోళన పెరిగింది. దీనికి నిదర్శనంగానే జులై, ఆగస్టులో విదేశీ పెట్టుబడిదారులు రూ. 30,000 కోట్ల పెట్టుబడులను భారత మార్కెట్ నుంచి వెనక్కి తీసుకున్నారు. ఈ క్యాలెండర్ సంవత్సరంలో ప్రతి నెలలోను బీమా రంగంలోకి మాత్రమే పెట్టుబడులు పెరిగినట్టు గణాంకాల ద్వారా తెలుస్తోంది.

* నాలుగు నుంచి ఆరు త్రైమాసికాల్లో కేవలం విదేశీ పెట్టుబడిదారులే కాకుండా దేశీయ ఇనిస్టిట్యూషన్ల కూడా బీమా కంపెనీల షేర్లకు కొనుగోలు చేసేందుకు ఎక్కువగా ప్రాధాన్యం ఇస్తున్నాయి. రాబడులు, మార్జిన్లు ఎక్కువగా ఉండటం వంటి అంశాలు ఇన్వెస్టర్లు బీమా రంగ కంపెనీలపై దృష్టి సారించడానికి కారణమని మార్కెట్ విశ్లేషకులు చెబుతున్నారు.

ఇదీ కారణం

* దీర్ఘకాలిక దృక్పథంతో ఇనిస్టిట్యూషనల్ బీమా కంపెనీల్లో పెట్టుబడులు పెడుతున్నారు.

* మార్కెట్ తీవ్ర ఒడుదొడుకులకు లోనయినా బీమా కంపనీలు మాత్రం నిలకడ పనితీరును కనబరుస్తున్నాయి.

* బీమా కంపెనీల ప్రీమియంలో మెరుగైన వృద్ధి నమోదు అవుతోంది. యాన్యుటీ, సంరక్షణ వ్యాపారంలో మంచి వృద్ధి నమోదు అవుతోంది.

* బీమా తీసుకుంటున్న వారి సంఖ్య క్రమంగా పెరుగుతుండటం వల్ల ఈ కంపెనీల వృద్ధికి ఢోకా లేకుండా పోతోంది. అందుకే గత ఆర్థిక సంవత్సరంలో ఈ రంగంలో విదేశీ ఇన్వెస్టర్లు రూ.9,623 కోట్ల పెట్టుబడులు పెట్టారు.

* కొత్త వాహన చట్టం అమలు నేపథ్యంలో వాహనాలకు బీమా తీసుకుంటున్న వారి సంఖ్య గణనీయంగా పెరుగుతోంది. దీంతో బీమా కంపెనీల రాబడులు భారీగా పెరిగే అవకాశం ఉంటుందని మార్కెట్ విశ్లేషకులు చెబుతున్నారు. ఈ నేపథ్యంలో రిటైల్ ఇన్వెస్టర్లు ఈ కంపెనీల్లో పెట్టుబడులను పరిశీలించవచ్చని సూచిస్తున్నారు. అయితే మీరు కూడా పెట్టుబడులతో సిద్ధం కండి మరి...