క్షీణించిన వాహన విక్రయాలు

వాహనాల విక్రయాలు క్షీణిస్తుండటంతో ఆటోమొబైల్ షోరూమ్‌లలో ఉద్యోగుల్ని తొలగిస్తున్నారని, పరిస్థితిని చూస్తుంటే ఇప్పుడే ఈ రంగం కోలుకొనేలా కనిపించడం లేదని, కాబట్టి ఉద్యోగాల కోత మరింత పెరగవచ్చునని, ఇలాంటి క్లిష్ట పరిస్థితుల్లో ప్రభుత్వం జోక్యం చేసుకుని వాహనాలపై విధిస్తున్న జీఎస్టీని తగ్గించాలని FADA కోరింది.

ఇది ఆందోళన కలిగించే అంశం...

మే నెలలో మొదలైన ఉద్యోగాల కోత జూన్‌, జూలై నెలల్లోను కొనసాగిందని పేర్కొంది. ఇప్పటి వరకు షోరూమ్‌లలో అమ్మకాల బాధ్యతలు చూసే ఉద్యోగులను తొలగించారని, పరిశ్రమకు గడ్డు పరిస్థితులు ఇలాగే కొనసాగితే టెక్నికల్ ఎంప్లాయీస్‌కు కూడా ఇబ్బందికర పరిస్థితులు వస్తాయని పేర్కొంది. వాహన విక్రయాలు తగ్గితే సర్వీస్ (సెంటర్లు)లు కూడా తగ్గుతాయని, ఇది ఆందోళన కలిగించే అంశమని పేర్కొంది.

షోరూంలు మూతబడే పరిస్థితి...

సేల్స్ లేక భవిష్యత్తులో కొన్ని షోరూమ్‌లు మూతపడే పరిస్థితులు ఏర్పడతాయని ఆందోళన వ్యక్తం చేసింది. గత మూడు నాలుగేళ్లలో సేల్స్ పైన డీలర్లకు మార్జిన్లు పెరగలేదని, కానీ షోరూంల వ్యయం మాత్రం దాదాపు రెట్టింపు అయిందని, ఇప్పుడు అమ్మకాలు తగ్గాయని FADA ప్రెసిడెంట్ ఆశిష్ హర్షరాజ్ ఆందోళన వ్యక్తం చేశారు.

విక్రయాలు తగ్గుముఖం పట్టడంతో...

విక్రయాలు తగ్గుముఖం పట్టడంతో వ్యయ నియంత్రణ చర్యలు ప్రారంభించారని, అయినా ఫలితం లేకపోవడంతో చివరి ప్రత్యామ్నాయంగా ఉద్యోగుల తొలగింపు మొదలైందని చెప్పారు. కాగా, దేశంలో 26,000 ఆటో మొబైల్ షోరూమ్‌లు ఉన్నాయి. 15,000 మంది డీలర్స్ ఉన్నారు. 2.5 మిలియన్‌ల మంది ఉద్యోగం చేస్తున్నారు. మరో 2.5 మిలియన్ల మంది పరోక్ష ఉపాధి పొందుతున్నారు. పద్దెనిమిది నెలల్లో (ఈ ఏడాది ఏప్రిల్ వరకు) 271 నగరాల్లో 286 షోరూంలు మూసివేయడం వల్ల 32వేల మంది ఉద్యోగాలు కోల్పోయినట్లు తెలిపారు.

విక్రయాలు ఇలా పడిపోయాయి..

సొసైటీ ఆఫ్ ఇండియన్ ఆటోమొబైల్ మ్యానుఫ్యాక్చరర్స్ (SIAM) ప్రకారం వాహన విక్రయాలు 12.35 శాతం తగ్గాయి. గత ఏడాది ఏప్రిల్-జూన్‌లో 69,42,742 సేల్స్ ఉండగా, ఈ ఏడాది 60,85,406 మాత్రమే. ఆటో మొబైల్ రిటేల్ సేల్స్ ఏప్రిల్ - జూన్ పీరియడ్‌లో 6 సాతం తగ్గి 54,42,317 (అంతకుముందు ఏడాది) నుంచి 51,16,718 దిగజారాయి. పాసింజర్ వెహికిల్స్ సేల్స్ కూడా బాగా పడిపోయాయి.య