దేశంలోని నాలుగు కోట్ల మంది పీఎఫ్ ఖాతాదార్ల‌కు శుభ‌వార్త‌. ప్రావిడెంట్ ఫండ్ (పీఎఫ్) ఉపసంహరణతో పాటు పెన్షన్, ఇన్సూరెన్స్ (బీమా) తదితర వివిధ క్లెయిముల పరిష్కారానికి ప్రస్తుతం 20 రోజులుగా ఉన్న గడువును 10 రోజులకు కుదించిన‌ట్లుగా ఈపీఎఫ్‌వో తెలిపింది. పీఎఫ్ బ్యాలెన్స్ తెలుసుకోవ‌డమెలా?

ఉద్యోగ భవిష్య నిధి(ఈపీఎఫ్) చందాదారులకు వేగంగా సేవలను అందించేందుకు 2015 జూలైలో ఈ క్లెయిముల పరిష్కార గడువును 20 రోజులకు తగ్గించిన ఉద్యోగ భవిష్య నిధి సంస్థ ఇంకా చందాదారుల‌కు చేరువ‌య్యేందుకు ప్ర‌య‌త్నం చేస్తోంది. ఈ నెల 1వ తేదీ నుంచి ఆన్‌లైన్‌లో క్లెయిములను పరిష్కరించుకునే సదుపాయాన్ని ప్రారంభించిన విషయం తెలిసిందే. త్వ‌ర‌లో ఆధార్‌తో పాటు బ్యాంకు ఖాతాలతో అనుసంధానమై ఉన్న పీఎఫ్ ఖాతాదారులు క్లెయిముల కోసం చేసుకునే దరఖాస్తులను కేవలం 3 గంటల వ్యవధిలోనే పరిష్కరించాలని పింఛ‌ను నియంత్ర‌ణ సంస్థ‌ భావిస్తోంది.