న‌వంబ‌రు 8 నుంచి దేశ‌వ్యాప్తంగా పెద్ద నోట్ల రద్దు చేసిన సంగ‌తి తెలిసిందే. చిరు వ్యాపారులు, సామాన్యుల‌తో పాటు పెద్ద పెద్ద వ్యాపారాలు సైతం దీని కార‌ణంగా బాగా ప్ర‌భావిత‌మ‌వుతున్నాయి. ఇప్పుడే అదే కోవ‌లోకి ఎల‌క్ట్రానిక్ వ‌స్తువుల మార్కెట్లో కొన్ని వ‌చ్చి చేరాయి.

పీసీ, ఫోన్ల అమ్మ‌కాలు త‌గ్గుతాయ్‌: ఐడీసీ

మొబైల్ ఫోన్లు, పీసీ(వ్య‌క్తిగ‌త కంప్యూట‌ర్ల‌) అమ్మ‌కాలు అక్టోబ‌ర్‌-డిసెంబ‌రు త్రైమాసికంలో త‌గ్గ‌నున్న‌ట్లు ప‌రిశోధ‌నా సంస్థ ఐడీసీ(ఇంట‌ర్నేష‌న‌ల్ డేటా కార్పొరేష‌న్‌) శుక్ర‌వారం వెల్ల‌డించింది. గ‌త త్రైమాసికంతో పోలిస్తే ఫీచ‌ర్ ఫోన్ల విభాగంలో కొనుగోళ్ల‌ను 24.6%, స్మార్ట్‌ఫోన్ విభాగంలో కొనుగోళ్ల‌ను 17.5% పెద్ద నోట్ల ర‌ద్దు కార‌ణంగా ప్ర‌జ‌లు త‌గ్గించ‌నున్న‌ట్లు తెలుస్తోంది.
ఇప్ప‌టికే ఆఫ్‌లైన్ అమ్మ‌కాల‌తో పాటు ఆన్‌లైన్‌లోనూ పీసీ, మొబైల్ అమ్మ‌కాలు నెమ్మ‌దించాయి. ముఖ్యంగా క్యాష్ ఆన్ డెలివ‌రీలో ఎంతో మంది వీటిని కొనుగోలు చేసేవారు. ప్ర‌స్తుతం న‌గ‌దు కొర‌త‌తో ఆ విధంగా కొనే వారి సంఖ్య త‌గ్గింద‌ని ఐడీసీ పేర్కొంది.