న్యూఢిల్లీ: దేశంలో నకిలీ పాన్ కార్డులను అరికట్టే చర్యల్లో భాగంగా ఆదాయపు పన్ను శాఖ (ఐటీ) పాన్ కార్డు జారీకి పుట్టిన తేదీ ధ్రువపత్రాన్ని తప్పనిసరి చేయాలని భావిస్తుంది. పాన్ కార్డు జారీ చేసే సమయంలో పుట్టినరోజు తాలూకు ఆధారాన్ని చూపాల్సిందిగా ఐటీ విభాగం అడిగనుంది. రేషన్ కార్డులు, ఇంటి అద్దె చెల్లింపు పత్రాలు ఇక మీదట గుర్తింపు, చిరునామా ధ్రువ పత్రాలుగా అంగీకరించబోమని ఆర్దిక శాఖ వర్గాలు వెల్లడించాయి. పాన్ కార్డు తనిఖీకి త్వరలో కొత్త విధానాన్ని నిర్దేశించనున్నట్లు ఆ శాఖ వర్గాలు తెలిపాయి. త్వరలో రానున్న ఈ కొత్త విధానం కొత్తగా పాన్ కోసం దరఖాస్తు చేసుకునే వారికే వస్తుందని పేర్కొన్నాయి.

(డూప్లికేట్ పాన్ కార్డుకి దరఖాస్తు చేయడం ఎలా..?)

పాన్ కార్డ్ అంటే ఏమిటీ.. : మనం సంపాదించే ఆదాయం ప్రభుత్వానికి చెల్లించే ఇన్‌కమ్ ట్యాక్స్ పరిమితిలో ఉంటే మీరు ఇన్‌కమ్ ట్యాక్స్ ఫైల్ చేయడానికి పాన్ కార్డ్ అనేది అవసరం. కారణం మీ ఇన్‌కమ్ ట్యాక్స్‌లో మీ పాన్ కార్డ్ నెంబర్‌ను ప్రభుత్వానికి తెలియజేయాల్సి ఉంటుంది. పాన్ అంటే పర్మినెంట్ అకౌంట్ నెంబర్. మన పాన్ కార్డ్ అనేది పది డిజిట్లలో ఉంటుంది. ఆల్పా న్యూమరిక్ నెంబర్లను కలిగి ఉన్న ప్లాస్టిక్ లామినేటేడ్ కార్డును ఇన్‌కమ్ ట్యాక్స్ డిపార్ట్‌మెంట్ అందజేస్తుంది. దీనినే పాన్ కార్డ్ అంటారు.

ఇది మనం సాధారణంగా ఉపయోగించే బ్యాంక్ క్రెడిట్ కార్డు, డెబిట్ కార్డు మాదిరి ఉంటుంది. ఈ కార్డుపై మీ వ్యక్తిగత వివరాలు నమోదు చేయబడి ఉంటాయి. వ్యక్తిగత వివరాలు అంటే మీ పేరు, తండ్రి పేరు, పుట్టిన రోజు, పాన్ నెంబర్‌తో పాటు మీ సంతకం మరియు మీ ఫోటో ఉంటుంది. పాన్ కార్డ్ పై గల పది ఆల్ఫా న్యూమరిక్ రూపంలో ఉండే అక్షరాలలో మొదటి ఐదు అక్షరాలు ఆంగ్ల అక్షరాలు, తర్వాత నాలుగు అక్షరాలు సంఖ్యలు మరియు చివరి అక్షరం ఆంగ్ల అక్షరాన్ని కలిగి ఉంటుంది. ఈ పది అక్షరాలను ఐదు భాగాలుగా విభజించడమైనది.

వన్ఇండియా మనీ తెలుగు