డూప్లికేట్ పాన్ కార్డుకి దరఖాస్తు చేయడం ఎలా..?

పాన్ కార్డు అనగా పర్మినెంట్ ఎకౌంట్ నెంబర్. మీ పాన్ కార్డుని మీరు పొగొట్టుకున్నా లేదా మీ పాన్ కార్డు డామేజ్ అయిన మీరు మళ్లీ డూప్లికేట్ పాన్ కార్డుకి దరఖాస్తు చేసుకోవచ్చు. అంతర్జాలంలో చాలా వెబ్ సైట్స్ ఈ వెసులుబాటుని కల్పిస్తున్నాయి. దీనికోసం మీరు చేయాల్సిందల్లా వెబ్ సైట్స్ నుండి ఆన్ లైన్‌లో పాన్ కార్డు అప్లికేషన్ ఫామ్‌ను ప్రింట్ అవుట్ తీసుకోనీ మీ క్రెడిట్ కార్డు లేదా నెట్ బ్యాంకింగ్ ద్వారా నగదు చెల్లించడమే.

డూప్లికేట్ పాన్ కార్డు కోసం రెండు పాస్ పోర్ట్ ఫోటో సైజు ఫోటోలతో పాటు గతంలో మీరు పాన్ కార్డు తీసుకున్న సమయంలో సమర్పించిన జారీ ప్రూఫ్ అవసరం. మీ పాన్ కార్డు డామేజ్ అయినట్లైతే పాన్ కార్డు నఖలు అవసరం. అదే మీరు గనుక మీ పాన్ కార్డుని పోగొట్టుకున్నట్లైతే గతంలో మీ వద్ద ఉన్న పాన్ కార్డు జిరాక్స్ కాపీ లేదా పోలీస్ స్టేషన్ నుండి ఎఫ్‌ఐఆర్ సమర్పించాల్సి ఉంటుంది. వీటితో పాటు డూప్లికేట్ పాన్ కార్డుకి మీరు దరఖాస్తు చేసుకుంటే మీ పేరు మీద ఉన్న ఓటరు ఐడి కార్డ్, డ్రైవింగ్ లైసెన్స్, స్కూల్ లీవింగ్ సర్టిఫికేట్, డిగ్రీ సర్టిఫికేట్, పాస్ పోర్ట్, వాటర్ బిల్, యుటిలిటీ బిల్లులు, డిపాజిటరీ ఖాతా ప్రకటన లాంటి వాటిల్లో ఏదో ఒక ప్రూఫ్ తప్పనిసరి.

ఈ క్రింది వాటిని కూడా అడ్రస్ రుజువుగా మీరు చూపించవచ్చు:

ఓటరు గుర్తింపు కార్డు
లైసెన్సు డ్రైవింగ్
పాస్ పోర్ట్
బ్యాంకు ఖాతా
గత 3 నెలలు లావాదేవీలు
తాజా క్రెడిట్ కార్డ్ స్టేట్మెంట్
రేషన్ కార్డ్
దరఖాస్తుదారు యొక్క పేరుతో టెలిఫోన్ బిల్లు
దరఖాస్తుదారు యొక్క పేరుతో విద్యుత్ బిల్లు
డిపాజిటరీ ఖాతా స్టేట్మెంట్
ఆస్తి పన్ను మదింపు ఆర్డర్

ఆన్ లైన్‌లో పాన్ కార్డు దరఖాస్తుని నింపిన తర్వాత మీకు దగ్గరలో ఉన్న పాన్ సర్వీసెస్ సెంటర్‌కు ఆ అప్లికేషన్ ఫామ్‌ని ప్రింట్ తీసుకోని పంపాల్సి ఉంటుంది.

వన్ఇండియా మనీ తెలుగు