ఈ ఏడాది సెన్సెక్స్ భారీ లాభాలతో ముగింపు: మోర్గాన్ స్టాన్లీ నివేదిక

News

oi-Nageshwara

By Nageswara Rao

| Published: Tuesday, November 27, 2012, 13:02 [IST]

న్యూఢిల్లీ: స్టాక్ మార్కెట్ ఈ ఏడాది భారీ లాభాలతో ముగిసే అవకాశం ఉంది. ఇప్పటికే 20 శాతం పెరిగిన సెన్సెక్స్ డిసెంబర్ నెలలో భారీగా పుంజుకునే అవకాశం ఉందని మోర్గాన్ స్టాన్లీ తన నివేదికలో పేర్కొంది. 1980 నుండి చూస్తే గత 32 సంవత్సరాల్లో ఈక్విటీ మార్కెట్లు డిసెంబర్‌లో మంచి లాభాలను అందిస్తున్నాయని మోర్గాన్ స్టాన్లీ పేర్కొంది. ఒక క్యాలెండర్ సంవత్సరంలో చూస్తే డిసెంబర్ నెల్లో సగటున 4.6 శాతం రిటర్నులు లభించాయని వివరించింది. గత ఇరవై ఏళ్లలో నాలుగు సందర్బాల్లో 1994, 2000, 2001, 2011లలో మాత్రమే డిసెంబర్‌లో నష్టాలు వచ్చాయి.

ఈ నాలుగు సార్లు మార్కెట్ క్షీణించడానికి కారణాలు వేర్వేరుగా ఉన్నాయని తెలిపింది. 1990 నుంచి అంటే ఎఫ్‌ఐఐలు దేశీయ స్టాక్స్‌లో ఇన్వెస్ట్‌చేయడం మొదలుపెట్టాక డిసెంబర్‌లో దేశీయ ఫండ్స్, స్పెక్యులేటర్ల లావాదేవీలు పుంజుకోవడం మొదలైంది. సెలవుల కారణంగా ఎఫ్‌ఐఐల పెట్టుబడులు డిసెంబర్‌లో మందగించినా, జనవరిలో తిరిగి పుంజు కుంటాయన్న అంచనాలే ఇందుకు కారణంగా నిలుస్తున్నాయని మోర్గాన్ స్టాన్లీ వివరించింది. ఈ డిసెంబర్‌లో బుల్స్‌కు బాగుంటుందని ఈ నివేదికలో తెలిపింది.

తెలుగు వన్ఇండియా