Aadhaar Authentication History: ఆధార్ అథెంటికేషన్ హిస్టరీ చెక్ చేయడం ఎలా?
భారత్లో అందరికీ ఆధార్ తప్పనిసరి! ఆధార్ కార్డు కలిగిన వారు ఎవరైనా వారి ఆధార్ నెంబర్/VIDని ఎంటర్ చేయడం ద్వారా ఆధార్ అథెంటికేషన్ రికార్డును వెరిఫై చేయవచ్చు. ఇక్కడ గుర్తుంచుకోవాల్సిన అంశం ఏమంటే ఈ సేవలకోసం రిజిస్టర్డ్ మొబైల్ నెంబర్ తప్పనిసరి. మీ ఆధార్ కార్డును గత ఆరు నెలల కాలంలో ఎక్కడ, ఎప్పుడు ఉపయోగించారో తెలుసుకోవచ్చు. ఇందుకు ఈక్రింది విధంగా చేయాలి. ఆధార్ అథెంటికేషన్ హిస్టరీ నుండి ఆధార్ కార్డు దారు పొందగల అంశాలు ఉన్నాయి.
ఈ వివరాలు పొందవచ్చు
UIDAI వెబ్ సైట్ ప్రకారం ఆధార్ కార్డు హోల్డర్ ఈ కింది వివరాలు పొందవచ్చు. ప్రామాణిక మోడాలిటీ, ప్రామాణీకరణ తేదీ అండ్ సమయం, UIDAI రెస్పాన్స్ కోడ్, AUA నేమ్, AUA ట్రాన్సాక్షన్ ఐడీ (కోడ్తో పాటు), AUA అథెంటికేషన్ రెస్పాన్స్ (సక్సెస్/ఫెయిల్యూర్), UIDAI ఎర్రర్ కోడ్.
హిస్టరీ తనిఖీ
ఆధార్ లేదా VID నెంబర్ను ఉపయోగించి ఆధార్ అథెంటికేషన్ హిస్టరీ తనిఖీ చేయడానికి ఇలా చేయండి...
- https://resident.uidai.gov.in/aadhaar-auth-history కి వెళ్లాలి.
- ఆధార్ నెంబర్ సెక్షన్లోని 12 అంకెల ఆధార్ నెంబర్ ఎంటర్ చేయాలి. లేదా 16 డిజిట్ వర్చువల్ ఐడీ నెంబర్ ఎంటర్ చేయాలి.
- సెక్యూరిటీ కోడ్ ఎంటర్ చేయాలి. ఆ తర్వాత Send OTP పైన క్లిక్ చేయాలి.
- మీ రిజిస్టర్డ్ మొబైల్ నెంబర్కు ఓటీపీ వస్తుంది. ఓటీపీ అడిగిన చోట దానిని ఎంటర్ చేయాలి.
- డెమెగ్రాఫిక్, బయోమెట్రిక్, ఓటీపీ, డెమోగ్రాఫిక్ అండ్ బయోమెట్రిక్, బయో మెట్రిక్ అండ్ ఓడీపీ, డెమోగ్రాఫిక్ అండ్ ఓటీపీ నుండి అథెంటికేషన్ టైప్ ఎంచుకోవాలి. అన్నింటిని కూడా ఎంచుకోవచ్చు.
- ఆధార్ అథెంటికేషన్ హిస్టరీని ఏ తేదీ నుండి తెలుసుకోగోరుతున్నారో పేర్కొనాలి.
- మీరు ట్రాక్ చేయదలిచిన రికార్డ్స్ సంఖ్యను నమోదు చేయాలి. అయితే మీరు ఒకేసారి 50 రికార్డ్స్ మాత్రమే పొందవచ్చునని గుర్తుంచుకోవాలి.
- మీ రిజిస్టర్డ్ మొబైల్ నెంబర్కు మళ్లీ వన్ టైమ్ పాస్ వర్డ్ వస్తుంది. మీరు Verify OTP పైన క్లిక్ చేయాలి.
- ఓటీపీ సక్సెస్ ఫుల్ అనంతరం UIDAI మీ ఆధార్ ప్రామాణిక వివరాలు కలిగిన పేజీని చూపిస్తుంది.
mAadhaar యాప్ ద్వారా..
mAadhaar యాప్ ద్వారా ఆధార్ అథెంటికేషన్ హిస్టరీ చెక్ చేసుకోవడం ఇలా...
- మీ మొబైల్ ఫోన్లోని mAadhaar యాప్ను ఓపెన్ చేసి, My Aadhaar సెక్షన్/ట్యాబ్కు వెళ్లాలి.
- Auth History పైన ట్యాప్ చేయాలి. క్యాప్చా కోడ్ ఎంటర్ చేయాలి.
- ఆ తర్వాత Request OTP పైన క్లిక్ చేయాలి. డ్రాప్ డౌన్ మెను నుండి అథెంటికేషన్ రకాన్ని ఎంచుకోవాలి.
- మీరు మీ ఆధార్ ప్రామాణికరణ హిస్టరీని పొందాలనుకునే తేదీని ఎంచుకోవాలి. ఆ తర్వాత ఓటీపీని ఎంటర్ చేయాలి.
- Submit పైన క్లిక్ చేయాలి. ఆ తర్వాత మీ ఆధార్ ప్రామాణికత హిస్టరీ మీ మొబైల్ స్క్రీన్ పైన కనిపిస్తుంది.