పదేళ్లలో కోటీశ్వరులు అవ్వడం ఎలా? ఇదిగో రెండు పక్కా ప్లాన్స్!

ప్రతి సామాన్యుడికి ఉండే పెద్ద కల.. తన అకౌంట్‌లో కనీసం కోటి రూపాయలు ఉండాలని. చాలామంది ఇది జీవితాంతం కష్టపడితేనే సాధ్యం అనుకుంటారు. కానీ, సరైన ప్లానింగ్ మరియు క్రమశిక్షణతో కూడిన పెట్టుబడి ఉంటే కేవలం పదేళ్లలోనే కోటీశ్వరులు కావచ్చు. దీని కోసం మనం మార్కెట్ ఒడిదుడుకులను తట్టుకుంటూ మంచి రిటర్న్స్ ఇచ్చే మ్యూచువల్ ఫండ్స్ ఎంచుకోవాలి. లేదా బంగారం (Gold) వంటి ఆయుధాలుగా వాడుకోవాలి. అదెలాగో ఇప్పుడు చూద్దాం.

1. మ్యూచువల్ ఫండ్స్ ద్వారా కోటి రూపాయల లక్ష్యం

మ్యూచువల్ ఫండ్లలో రిస్క్ ఉన్నప్పటికీ, దీర్ఘకాలంలో ఇవి ఇచ్చే రిటర్న్స్ మరే ఇతర పొదుపు పథకాల్లోనూ దొరకవు. పదేళ్ల కాలం అనేది కాంపౌండింగ్ (చక్రవడ్డీ) ఫలితాలను చూడటానికి సరైన సమయం.

• ప్లాన్: నెలకు రూ. 30,000 పెట్టుబడితో మొదలుపెట్టండి.
• స్టెప్-అప్: ప్రతి ఏటా మీ పెట్టుబడిని 10% పెంచండి (ఉదాహరణకు రెండో ఏడాది నెలకు రూ. 33,000 చొప్పున పెట్టుబడి పెట్టాలి).
• అంచనా రిటర్న్: సగటున ఏడాదికి 12% రిటర్న్స్ వస్తాయని అనుకుంటే..
• ఫలితం: 10 ఏళ్లలో మీ మొత్తం పెట్టుబడి రూ. 57.37 లక్షలు అవుతుంది. దానిపై వచ్చే లాభం రూ. 43.85 లక్షలు. పదేళ్ల ముగిసేసరికి మీ చేతిలో రూ. 1.01 కోట్లు ఉంటాయి.

2. బంగారం (Gold) ద్వారా కోటి రూపాయల లక్ష్యం

బంగారం అనేది ఎప్పుడూ సురక్షితమైన పెట్టుబడిగా భావిస్తారు. ధరలు పెరిగే కొద్దీ మీ సంపద కూడా పెరుగుతుంది. ముఖ్యంగా ఇప్పుడు డిజిటల్ గోల్డ్ లేదా సావరిన్ గోల్డ్ బాండ్స్ (SGB) రూపంలో పెట్టుబడి పెట్టడం మరింత లాభదాయకం.

• ప్లాన్: నెలకు రూ. 33,000 బంగారంలో పెట్టుబడి పెట్టండి.
• స్టెప్-అప్: దీనిని కూడా ప్రతి ఏటా 10% పెంచుకుంటూ వెళ్లండి.
• అంచనా రిటర్న్: బంగారం సగటున ఏడాదికి 10% రిటర్న్స్ ఇస్తుందని భావిస్తే..
• ఫలితం: 10 ఏళ్ల తర్వాత మీ మొత్తం పెట్టుబడి రూ. 63.11 లక్షలు అవుతుంది. దానిపై వచ్చే లాభం సుమారు రూ. 37.40 లక్షలు. ఇలా కూడా మీరు కోటి రూపాయల మార్కును చేరుకుంటారు.

మీ PF డబ్బులు సరిగ్గా జమ అవుతున్నాయా? ఒక్క క్లిక్‌తో తెలుసుకోండి ఇలా..!

ఏది ఎంచుకోవాలి?

మీరు కొంచెం రిస్క్ తీసుకోగలరు అనుకుంటే మ్యూచువల్ ఫండ్స్ ఉత్తమం. లేదు, మాకు భద్రత ముఖ్యం అనుకుంటే బంగారాన్ని ఎంచుకోవచ్చు. నిజానికి తెలివైన ఇన్వెస్టర్లు తమ పెట్టుబడిని ఈ రెండింటిలోనూ విభజిస్తారు. దీన్నే డైవర్సిఫికేషన్ (Diversification) అంటారు. అంటే మీ డబ్బుని ఈక్విటీలో కొంత, బంగారం వంటి సేఫ్ పెట్టుబడుల్లో కొంత ఇన్వెస్ట్ చేస్తారు. దీనివల్ల రిస్క్ తగ్గి లాభాలు స్థిరంగా వస్తాయి. అయితే స్టాక్ మార్కెట్ లేదా మ్యూచువల్ ఫండ్స్ పెట్టుబడులు మార్కెట్ ఒడిదుడుకులకు లోబడి ఉంటాయి. కాబట్టి పెట్టుబడి పెట్టే ముందు ఆర్థిక సలహాదారుని సంప్రదించడం మంచిది.

(గమనిక: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.)