బంగారంలో ఇన్వెస్ట్ చేసేద్దాం..! 6 నెలల్లో కళ్లుచెదిరే పెరుగుదల

కరోనా మహమ్మారి, అంతర్జాతీయ మార్కెట్లలో గందరగోళం, అమెరికా - చైనా ఇష్యూ, ఆర్థిక ప్యాకేజీ వంటి వివిధ కారణాలతో గత కొద్ది రోజులుగా బంగారం స్థిరంగా ఉండటం లేదు. ఈ వారం కూడా బంగారం ధరలు పెరిగే అవకాశం ఉందని బులియన్ మార్కెట్ నిపుణులు భావిస్తున్నారు. బంగారం ఆగస్ట్ కాంట్రాక్ట్ ఈ వారం రూ.46,175 కంటే కిందకు రాకుంటే కొనుగోళ్లకు మొగ్గు చూపవచ్చునని సూచిస్తున్నారు. రూ.48,100 నుండి రూ.48,889 లక్ష్యంతో లాంగ్ పొజిషన్లో కొనుగోలు చేయవచ్చునని సూచిస్తున్నారు.

6 నెలల్లో 20 శాతం పెరుగుదల

కరోనా సహా వివిధ కారణాలతో బంగారం ధర స్వల్పకాలంలో ఎగుడుదిగుడులు చూసినప్పటికీ దీర్ఘకాలంలో మాత్రం మంచి పెట్టుబడిగా భావిస్తున్నారు. మందగమనం కారణంగా 2019 చివరి ఆరునెలల్లో బంగారం ధరలు భారీగా పెరిగాయి. ఇప్పుడు కరోనా కారణంగా పెరుగుతున్నాయి. గత ఆరు నెలల కాలంలో అంటే ఈ క్యాలెండర్ ఇయర్‌లో బంగారం ధరలు దాదాపు 20 శాతం పెరిగాయి. మందగమనం, కరోనా, బలమైన పెట్టుబడులతో ధరలు పెరిగాయి.

రూ.47,000కు పైన సెటిల్

శుక్రవారం నాడు ఎంసీఎక్స్‌లో బంగారం ధరలు 10 గ్రాములకూ రూ.47,355 వద్ద సెటిల్ అయింది. వెండి కిలో ధర రూ.47,741 పలికింది. గత నెలలో బంగారం ధర 10 గ్రాములకు రూ.48,000తో రికార్డ్ హైకి చేరుకున్న విషయం తెలిసిందే. అంతర్జాతీయ మార్కెట్లో స్పాట్ గోల్డ్ ధరలు 2 శాతం పెరిగి ఔన్స్ 1,730.19గా పలికింది.

బంగారం ధర మరింత జూమ్

ప్రస్తుత పరిస్థితుల్లో బంగారం ధర మరింతగా పెరిగే అవకాశాలు ఉన్నాయని చెబుతున్నారు. అంతర్జాతీయ ఆర్థిక అనిశ్చితి, మాంద్యంలోకి జారుకుంటున్న పలు దేశాల ఆర్థిక వ్యవస్థలు, ఈక్విటీల్లో ఆటుపోట్లు వంటి పరిస్థితుల్లో పసిడి తిరిగి తన చారిత్రమాత్మక గరిష్టస్థాయి ఔన్స్ ధర 1900 డాలర్లకు చేరుకోవచ్చునని అంటున్నారు. కరోనా కట్టడి అంతగా లేకున్నా, అంతర్జాతీయ ఆర్థిక పరిస్థితులు ఇలాగే కొనసాగుతే ఈ డాది డిసెంబర్ నాటికి 1900 డాలర్లకు చేరుకోవచ్చునని భావిస్తున్నారు.

రూ.50,000 మార్క్‌కు

ఈ క్యాలెండర్ ఏడాదిలో ప్రపంచ ఆర్థికవృద్ధి మైనస్ 5 శాతానికి పడిపోతుందని అంచనాలు వేస్తున్నారు. అగ్రరాజ్యాల ఆర్థిక వ్యవస్థలతో వర్థమాన దేశాల ఆర్థిక వ్యవస్థలు క్షీణతను నమోదు చేస్తాయని ఆందోళనలు వ్యక్తమవుతున్నాయి. ప్రస్తుతం యూఎస్ సెంట్రల్ బ్యాంకు ఫెడ్ వడ్డీ రేటు నెగిటివ్‌లోకి వెళ్తే బంగారం తొమ్మిదేళ్ల గరిష్టం (2011 ఆగస్ట్) 1920 డాలర్లకు చేరుకోవచ్చునని భావిస్తున్నారు. గత కొద్ది కాలంగా బంగారం 1789 గరిష్టస్థాయిని తాకి, శుక్రవారం 1752 డాలర్ల వద్ద ముగిసింది. ఇప్పటికే రూ.48,000కు చేరువలో ఉన్న బంగారం ఇదే పరిస్థితి కొనసాగితే దీపావళి లేదా ఈ క్యాలెండర్ ఇయర్ చివరి నాటికి రూ.50,000కు చేరుకోవచ్చునని భావిస్తున్నారు.