రూ.45,000 వద్ద బంగారం స్ట్రగ్లింగ్! మరింత పడిపోయే ఛాన్స్ ఉందా?

బంగారం ధరలు ఇటీవల క్షీణించాయి. గత కొద్దివారాలుగా ఫ్యూచర్ మార్కెట్లో 10 గ్రాముల గోల్డ్ ఫ్యూచర్స్ రూ.45,000కు దిగువనే ఉంటోంది. గత కొంతకాలంగా పసిడి ధరలు దాదాపు స్థిరంగా కదలాడుతున్నాయి. ఇప్పటికే పది నెలల కనిష్టానికి చేరుకున్న పసిడి ధరలు మరింత పడిపోవచ్చునని బులియన్ మార్కెట్ నిపుణులు భావిస్తున్నారు. అయితే ఈ క్షీణత కొద్దిగా మాత్రమే ఉండవచ్చునని అంటున్నారు. దీర్ఘకాలంలో పెట్టుబడులకు కాస్త సానుకూలమేనని సూచిస్తున్నారు.

బంగారం ధరలు ఈ వారం చివరి సెషన్లో అతి స్వల్పంగా పెరిగాయి. అయినప్పటికీ రూ.45,000 వద్ద ఉంది. క్రితం సెషన్లో ఏప్రిల్ గోల్డ్ ఫ్యూచర్స్ రూ.57.00 పెరిగి రూ.45008.00 వద్ద, జూన్ గోల్డ్ ఫ్యూచర్స్ 45,300.00 వద్ద ముగిసింది. మే సిల్వర్ ఫ్యూచర్స్ రూ.294.00 క్షీణించి రూ.67453.00 వద్ద, జూలై సిల్వర్ ఫ్యూచర్స్ రూ.153.00 తగ్గి రూ.68590.00 వద్ద ముగిసింది.

అంతర్జాతీయ మార్కెట్లో చివరి సెషన్లో గోల్డ్ ఫ్యూచర్స్ మళ్లీ పెరిగి, ఔన్స్ 1744 డాలర్ల సమీపానికి చేరుకుంది. 11.40 (+0.66%) డాలర్లు పెరిగిన గోల్డ్ ఫ్యూచర్స్ 1,743.90 డాలర్ల వద్ద ముగిసింది. సిల్వర్ ఫ్యూచర్స్ 0.021 (0.08%)
క్షీణించి 26.330 డాలర్ల వద్ద ముగిసింది.