రోజుకు కేవలం రూ.200 తో రూ. 20 లక్షలు పొందే ప్లాన్! ఇలా SIP చేస్తే చాలు!

sip for long term:పెద్ద మొత్తంలో ఆదాయం పొందేందుకు భారీగా ఇన్వెస్ట్ చేయాల్సిన పని లేదు. కొద్ది మొత్తాలతో నిలకడగా పెట్టుబడి పెడుతూ ఉంటే చాలు. కొద్ది కాలంలోనే లక్షల్లో జమ చేయొచ్చు. కేవలం రూ.200తో రూ. 20 లక్షల నిధిని సమకూర్చుకోవచ్చంటే నమ్ముతారా? కానీ, ఇది నిజం. దీనికై ఎలా ప్లాన్ చేసుకోవాలో ఇప్పుడు చూద్దాం.

ఆర్థిక క్రమశిక్షణ ఉంటే చిన్న మొత్తాల్లో చేసే పెట్టుబడులతో కూడా పెద్ద పెద్ద లక్ష్యాలను చేరుకోవచ్చు. దీనికి సిస్టమాటిక్ ఇన్వెస్ట్‌మెంట్ ప్లాన్ (SIP) ఒక మంచి టూల్ అని చెప్పొచ్చు. SIP విధానం ద్వారా తక్కువ మొత్తంతో ఎక్కువ లాభాలను సాధించొచ్చు. మ్యూచువల్ ఫండ్ SIP లు మార్కెట్ రిస్క్‌కు లోబడి ఉన్నప్పటికీ ఇవి ఇతర సాధనాల కంటే కాస్త ఎక్కువ రాబడిని అందించే అవకాశం ఉంటుంది. మ్యూచువల్ ఫండ్‌లలో SIP ద్వారా రోజూ కొంత మొత్తాన్ని పొదుపు చేయడం ద్వారా లాంగ్ టర్మ్ లో పెద్ద ఫండ్ ను సమకూర్చుకోవచ్చు. ఉదాహరణకు రోజుకు కేవలం రూ. 200 మాత్రమే పొదుపు చేసినా లాంగ్ టర్మ్ లో అది లక్షల రూపాయల నిధిగా మారుతుంది.

రూ. 20 లక్షల ప్లానింగ్ ఇలా..

రోజుకి రూ.200 పెడితే.. నెలకు రూ. 6000 అవుతుంది. ఈక్విటీ ఫండ్స్ లో సగటు రిటర్న్స్ రేటు సంవత్సరానికి 10 నుంచి12 శాతం ఉంటుంది. ఒకవేళ ఏడాదికి 12 శాతం రిటర్న్స్ గనుక వచ్చినట్టయితే 12 సంవత్సరాల్లో మీ ఫండ్ వాల్యూ రూ.20 లక్షలకు చేరుకుంటుంది. ఇక్కడ మీరుపెట్టుబడి పెట్టిన మొత్తం రూ. 8,90,600 అయితే రిటర్న్స్ ద్వారా అదనంగా రూ. 11,31,000 వరకూ సమకూరుతుంది. ఇలా మొత్తం విలువ రూ.20 లక్షలు అవుతుంది. సింపుల్ గా చెప్పాలంటే రోజుకు రూ. 200 లేదా నెలకు సుమారు రూ.6,000 చొప్పున క్రమం తప్పకుండా పెట్టుబడి పెడితే 12 శాతం రిటర్న్స్ చొప్పున 12 ఏళ్లలో రూ.20 లక్షలకు పైగా పెద్ద నిధి సమకూరుతుంది.

స్టెప్-అప్ తో మరింత వేగంగా..

మీరు ఇంకా ఎక్కువ మొత్తాన్ని ఆశిస్తున్నట్టయితే.. ఆదాయం పెరిగే కొద్దీ పెట్టుబడి మొత్తాన్ని కూడా పెంచాలని ఆర్థిక నిపుణులు సూచిస్తున్నారు. ఈ పద్ధతిని 'స్టెప్-అప్ (Step-up SIP) అంటారు.
అంటే మీరు కట్టే సిప్ ను ప్రతి సంవత్సరం 10 శాతం చొప్పున పెంచుకుంటూ పోవాలి. అంటే మొదటి ఏడాది నెలకు రూ.6000, రెండో ఏడాది నెలకు రూ. 6600 ఇలా పెంచుకుంటూ పోతే మరింత త్వరగా మీరు లక్ష్యాన్ని చేరుకోవచ్చు.

ఇది ముఖ్యం

మ్యూచువల్ ఫండ్స్ అనేవి మార్కట్ రిస్క్ కు లోబడి ఉంటాయి. కాబట్టి పెట్టుబడి నిర్ణయాలు తీసుకునేటప్పుడు ఎల్లప్పుడూ ఆర్థిక నిపుణుడిని సంప్రదించడం మంచిది. అలాగే ఫండ్స్ కు సంబంధించిన డాక్యుమెంట్స్ ను పూర్తిగా చదివి అర్థం చేసుకున్నాకే నిర్ణయానికి రావాలి.