ఆదాయ‌పు ప‌న్ను రిట‌ర్నులు స‌మ‌ర్పించేందుకు ఎవ‌రికి ఏ ఫారం

జులై 31తో వ్య‌క్తులు ఆదాయ‌పు ప‌న్ను రిట‌ర్నులు స‌మ‌ర్పించే గ‌డువు ముగుస్తుంది. ప‌న్ను చెల్లింపుదార్లకు సులువుగా ఉండేందుకు వివిధ ర‌కాల ఫారంల‌ను అందుబాటులోకి తెచ్చింది. ఈ-ఫైలింగ్ చేసేట‌ప్పుడు ఎవ‌రు ఏ ఫారం వాడాల‌నే వివ‌రాలు ఇన్‌క‌మ్ టాక్స్ వెబ్‌సైట్‌లో ఉన్నాయి. వాటిని సుల‌భ‌త‌ర ప‌ద్ద‌తిలో ఉప‌యోగించుకునేందుకు ఇవి చ‌ద‌వండి.

ఐటీఆర్‌-1

ముఖ్యంగా వేత‌నం లేదా పింఛ‌ను ఆదాయం ఉన్న‌వారు ఈ ఫారం వాడాలి.

• వేత‌నం లేదా పింఛ‌ను ద్వారా వ‌చ్చే ఆదాయం
• ఒక ఇంటి నుంచి వ‌చ్చే ఆదాయం ఉన్న‌వారు
• (గ‌తేడాది వ‌చ్చిన న‌ష్టాన్నిఈ సంవ‌త్స‌రంలో లెక్కించేట్ల‌యితే దాన్ని మిన‌హాయించాలి)
• ఇత‌ర ఆదాయ మార్గాలు
• (లాట‌రీ, గుర్ర‌పు పందేం నుంచి వ‌చ్చిన ఆదాయాన్ని మిన‌హాయించాలి)

మైన‌ర్ పిల్ల‌లు, జీవిత భాగ‌స్వామి నుంచి ఆదాయం వ‌స్తుంటే దాన్ని క‌ల‌పాలి.

ఐటీఆర్‌- 2ఏ

• వేత‌నం లేదా పింఛ‌ను ద్వారా వ‌చ్చే ఆదాయం
• ఇంటి నుంచి వ‌చ్చే ఆదాయం
• వ్య‌వ‌సాయ ఆదాయం రూ. 5000 పైన ఉంటే
• ఇత‌ర ఆదాయ మార్గాలు

పై మూడింటితో పాటు ఒకటి కంటే ఎక్కువ ఇళ్ల నుంచి ఆదాయం సంక్ర‌మిస్తుంటే

లాట‌రీ, గుర్ర‌పు పందేల నుంచి వ‌చ్చే ఆదాయం ఉంటే ఈ ఫారంను వాడాలి.

ఐటీఆర్‌-2

కింది ర‌కాల ఆదాయాలు ఉన్న‌వారు ఈ ఫారం వాడాలి.

1. వేత‌నం లేదా పింఛ‌ను ఆదాయం క‌ల‌వారు

2. ఇంటి నుంచి వ‌చ్చే ఆదాయం ఉన్న‌వారు

3. విదేశీ ఆస్తుల ద్వారా లేదా విదేశీ ఆదాయం ఉన్న‌వారు

ఇత‌ర ఆదాయ మార్గాలు(లాట‌రీ, గుర్ర‌పు పందేల ద్వారా ఆదాయం వ‌స్తుంటే దాన్ని క‌ల‌పాలి)

ఐటీఆర్‌-1, ఐటీఆర్‌-2ఏ వర్తించే విషయంలో సందేహం ఉన్నవారెవరైనా ఈ ఫారాన్ని ఎంచుకోవచ్చు.

వ్యాపారం, వృత్తి ఆదాయాల మినహా మిగిలిన ఆదాయాలన్నింటికీ (మూలధన లాభాలతో సహా)ఈ ఫారం వర్తిస్తుంది.

ఐటీఆర్‌-3

ఐటీర్‌-2లో ఉన్న ఆదాయ మార్గాల‌తో పాటు భాగ‌స్వామ్య సంస్థ‌లో వాటా ద్వారా లాభాలు వ‌స్తుంటే ఈ ఫారం వాడాలి.

ఐటీఆర్‌-4

ఐటీఆర్‌-3లో తెలిపిన ఆదాయాల‌తో పాటు సొంత వ్యాపారం లేదా వృత్తి ద్వారా ఆదాయం ఉన్న‌వారు ఈ ఫారం వాడాలి.