అభిమానుల ఆశలు నెరవేర్చిన టాటా.. కొత్త హారియర్ ఎంట్రీతో SUV మార్కెట్ హీట్

డీజిల్ SUVలకే ఎక్కువగా గుర్తింపు పొందిన టాటా మోటార్స్ ఇప్పుడు భారత ఆటోమొబైల్ మార్కెట్లో కీలకమైన వ్యూహాత్మక మార్పు చేసింది. చాలా కాలంగా కస్టమర్లు ఎదురుచూస్తున్న నిర్ణయంగా, కంపెనీ తన ఫ్లాగ్‌షిప్ SUV అయిన హారియర్ (Harrier) తొలిసారిగా పెట్రోల్ ఇంజిన్ ఎంపికలతో అధికారికంగా ప్రవేశపెట్టింది. ఈ నిర్ణయం ద్వారా టాటా మోటార్స్ తన కస్టమర్ బేస్‌ను మరింత విస్తరించడమే కాకుండా, పెట్రోల్ వాహనాలను ఇష్టపడే నగర వినియోగదారులపై ప్రత్యేకంగా దృష్టి పెట్టినట్టు స్పష్టమవుతోంది. పెట్రోల్ వేరియంట్ లాంచ్‌తో, ఈ SUV మరింత విస్తృతమైన కొనుగోలుదారులను ఆకర్షించేందుకు సిద్ధమైంది. ముఖ్యంగా నగరాల్లో రోజువారీ వినియోగం, తక్కువ శబ్దం, స్మూత్ డ్రైవింగ్ అనుభవం కోరుకునే వారికి ఇది మంచి అవకాశం అని చెప్పుకోవచ్చు.

ధర విషయానికి వస్తే, టాటా హారియర్ పెట్రోల్ వేరియంట్ ధర రూ.12.89 లక్షల నుండి (ఎక్స్-షోరూమ్) ప్రారంభమవుతుంది. ఈ ధరతో చూస్తే, టాటా తన ఫ్లాగ్‌షిప్ SUVలను పెట్రోల్ సెగ్మెంట్‌లో కూడా పోటీదారుల సరసన నిలబెట్టాలని ప్రయత్నిస్తున్నట్టు అర్థమవుతోంది. ముఖ్యంగా మధ్య తరగతి, అప్‌పర్ మిడిల్ క్లాస్ కొనుగోలుదారులను లక్ష్యంగా చేసుకుని ఈ ప్రైసింగ్ స్ట్రాటజీని రూపొందించినట్లు తెలుస్తోంది.

కొత్త హారియర్ పెట్రోల్‌లో టాటా అందిస్తున్నది 1.5 లీటర్ల HYPERION టర్బో-GDi పెట్రోల్ ఇంజిన్. ఈ ఇంజిన్ గణాంకాల పరంగా మాత్రమే కాదు, పనితీరు పరంగా కూడా బాగా ఆకట్టుకుంటుంది. ఇది 170 PS శక్తిని, 280 Nm టార్క్‌ను ఉత్పత్తి చేస్తుంది. అంటే సిటీ డ్రైవ్ అయినా, హైవేలో లాంగ్ డ్రైవ్ అయినా, డ్రైవర్‌కు పవర్ లోటు అనిపించకుండా స్మూత్‌గా ముందుకు తీసుకెళ్లే సామర్థ్యం దీనికి ఉంది.

ట్రాన్స్‌మిషన్ విషయంలో కూడా టాటా కస్టమర్లకు ఎంపిక ఇచ్చింది. హారియర్ పెట్రోల్ వేరియంట్ 6-స్పీడ్ మాన్యువల్ గేర్‌బాక్స్‌తో పాటు 6-స్పీడ్ ఆటోమేటిక్ గేర్‌బాక్స్‌లో అందుబాటులో ఉంటుంది. దీని వల్ల మాన్యువల్ డ్రైవింగ్ ఇష్టపడే వారు అయినా, ట్రాఫిక్‌లో ఆటోమేటిక్ సౌలభ్యం కోరుకునే వారు అయినా ఇద్దరికీ ఈ SUV సరైన ఎంపికగా మారుతుంది. మైలేజీ విషయానికి వస్తే, ఈ పెట్రోల్ హారియర్ 16.8 kmpl వరకు మైలేజీ ఇస్తుందని అంచనా.

50 లీటర్ల ఇంధన ట్యాంక్‌తో లాంగ్ డ్రైవ్‌లలో తరచూ ఫ్యూయల్ స్టేషన్ వెతకాల్సిన అవసరం తగ్గుతుంది. డిజైన్ విషయానికి వస్తే, హారియర్‌కు ఉన్న బలమైన, మస్క్యులర్ లుక్‌ను టాటా అలాగే కొనసాగించింది. ముందు పెద్దగా ఆకట్టుకునే బోల్డ్ గ్రిల్, దానిపై స్పష్టంగా కనిపించే టాటా లోగో హారియర్‌కు ప్రత్యేకమైన ప్రెజెన్స్‌ను ఇస్తాయి. స్టైలిష్ రూఫ్ రైల్, వెనుక వైపు షార్క్ ఫిన్ యాంటెన్నా SUV లుక్‌ను మరింత ప్రీమియంగా మార్చాయి.

వెనుక LED టెయిల్ లైట్లు, కింద వైపు సిల్వర్ కలర్ స్కఫ్ ప్లేట్ ఉండటం వల్ల హారియర్ రోడ్డుపై నిలబడినప్పటికీ ఒక డామినేటింగ్ ఫీల్‌ను ఇస్తుంది. లైటింగ్ విషయంలో కూడా టాటా ఎక్కడా రాజీ పడలేదు. ముందుభాగంలో LED హెడ్‌లైట్లు, LED DRLలు ఉండటం వల్ల రాత్రి డ్రైవింగ్‌లో మంచి విజిబిలిటీ లభిస్తుంది. వీల్స్ విషయానికి వస్తే, ఈ SUVకి 18-అంగుళాల గ్లోస్ బ్లాక్ అల్లాయ్ వీల్స్ అందిస్తున్నారు.

భద్రత పరంగా, కొత్త టాటా హారియర్‌లో 7 ఎయిర్‌బ్యాగులు, ESC (ఎలక్ట్రానిక్ స్టెబిలిటీ కంట్రోల్),ADAS (అడ్వాన్స్‌డ్ డ్రైవర్ అసిస్టెన్స్ సిస్టమ్స్), ABS (యాంటీలాక్ బ్రేకింగ్ సిస్టమ్),TPMS (టైర్ ప్రెజర్ మానిటరింగ్ సిస్టమ్), 360-డిగ్రీ కెమెరా, EBD (ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్) ఉన్నాయి. ఇది 5-సీట్ల SUV, ఎక్కువ లగేజీని ఉంచడానికి 445 లీటర్ల బూట్ స్పేస్‌ను కూడా కలిగి ఉంది.

Credit: Drivespark