తగ్గేదేలే.. దేశంలో యాక్టివాతో పోటీ పడుతున్న 55 కి.మీ మైలేజ్ స్కూటర్ ఇదే! లక్షల మంది దీన్ని కొన్నారు

సుజుకి మోటార్‌సైకిల్స్ ఇండియా భారతదేశంలో స్కూటర్ విభాగంలో తనదైన ఆధిపత్యాన్ని కొనసాగిస్తూ, 2025 డిసెంబర్ నెలలో అద్భుతమైన అమ్మకాల ప్రదర్శనను నమోదు చేసింది. ఈ కంపెనీ తాజాగా విడుదల చేసిన గణాంకాల ప్రకారం, డిసెంబర్ 2025లో సుజుకి మొత్తం 1,22,366 ద్విచక్ర వాహనాలను తయారు చేసి విక్రయించింది. ఇందులో 97,823 వాహనాలు దేశీయ మార్కెట్‌లో అమ్ముడవగా, మిగిలిన 24,543 వాహనాలు విదేశీ మార్కెట్లకు ఎగుమతి అయ్యాయి. ఈ సంఖ్యలు సుజుకి ఉత్పత్తులు దేశంలోనే కాదు, అంతర్జాతీయ మార్కెట్లలో కూడా ఎంతటి డిమాండ్‌ను సంపాదించుకున్నాయో స్పష్టంగా చూపిస్తున్నాయి. గత ఏడాది అదే నెలతో పోలిస్తే ఈ వృద్ధి మరింత విశేషంగా కనిపిస్తుంది.

డిసెంబర్ 2024లో కంపెనీ మొత్తం 96,804 వాహనాలనే విక్రయించగలిగింది. అందులో 78,834 యూనిట్లు దేశీయంగా అమ్ముడవగా, 17,970 యూనిట్లు ఎగుమతులుగా వెళ్లాయి. అయితే ఒక సంవత్సరం గడిచే సరికి పరిస్థితి పూర్తిగా మారింది. 2025 డిసెంబర్‌లో దేశీయ అమ్మకాలు గణనీయంగా పెరిగి 24.09 శాతం వృద్ధిని నమోదు చేయగా, ఎగుమతులు వేగంగా పెరిగి 36.5 శాతం వృద్ధిని సాధించాయి. ఇది సుజుకి బ్రాండ్‌పై వినియోగదారుల నమ్మకం పెరుగుతున్నదానికి బలమైన నిదర్శనం.

మొత్తం అమ్మకాల పరంగా, సుజుకి మోటార్‌సైకిల్స్ ఇండియా 2025 డిసెంబర్ నెలలోనే 26.41 శాతం వృద్ధిని సాధించడం విశేషం. 125cc స్కూటర్ విభాగంలో యాక్సెస్ 125, అవెనిస్ వంటి మోడళ్లకు ఉన్న స్థిరమైన డిమాండ్, మెరుగైన ఇంధన సామర్థ్యం, నమ్మకమైన పనితీరు మరియు విస్తృత డీలర్ నెట్‌వర్క్ ఈ విజయానికి ప్రధాన కారణాలుగా చెప్పవచ్చు. మొత్తంగా మార్కెట్‌లో తన స్థానం మరింత బలపరుచుకున్నట్లు ఈ అమ్మకాల గణాంకాలు స్పష్టంగా తెలియజేస్తున్నాయి.

డిసెంబర్ నెలలోనే కాదు, ప్రస్తుత ఆర్థిక సంవత్సరం ప్రారంభమైన ఏప్రిల్ నుంచి డిసెంబర్ 2025 వరకు కూడా సుజుకి మోటార్‌సైకిల్స్ ఇండియా బలమైన అమ్మకాల ప్రదర్శనను కొనసాగించింది. గణాంకాల ప్రకారం, ఈ తొమ్మిది నెలల వ్యవధిలో సుజుకి మొత్తం 10,62,167 ద్విచక్ర వాహనాలను విక్రయించింది. ఇందులో 8,69,572 వాహనాలు దేశీయ మార్కెట్‌లో అమ్ముడవగా, 1,92,595 వాహనాలు అంతర్జాతీయ మార్కెట్లకు ఎగుమతి అయ్యాయి.

ఈ సంఖ్యలు కంపెనీకి దేశీయంగానే కాకుండా విదేశీ మార్కెట్లలో కూడా డిమాండ్ గణనీయంగా పెరుగుతున్నదని స్పష్టంగా తెలియజేస్తున్నాయి. గత ఆర్థిక సంవత్సరం ఇదే ఏప్రిల్-డిసెంబర్ కాలంతో పోలిస్తే ఈ వృద్ధి మరింత స్పష్టంగా కనిపిస్తుంది. అప్పట్లో సుజుకి మొత్తం 9,33,608 వాహనాలను మాత్రమే విక్రయించగలిగింది. అందులో 7,79,138 యూనిట్లు దేశీయ మార్కెట్‌లో అమ్ముడవగా, 54,470 యూనిట్లు మాత్రమే ఎగుమతులుగా వెళ్లాయి.

అయితే ఈ ఏడాది పరిస్థితి పూర్తిగా మారింది. దేశీయ అమ్మకాల్లో 11.61 శాతం వృద్ధి నమోదు కావడం వినియోగదారుల విశ్వాసం పెరుగుతున్నదానికి నిదర్శనంగా నిలుస్తోంది. అదే సమయంలో, ఎగుమతుల్లో ఏకంగా 24.6 శాతం వృద్ధి నమోదు కావడం సుజుకి ఉత్పత్తులకు అంతర్జాతీయంగా ఎంతటి ఆదరణ లభిస్తున్నదో చూపిస్తోంది. మొత్తంగా, ప్రస్తుత ఆర్థిక సంవత్సరంలో ఇప్పటివరకు సుజుకి సాధించిన ఈ అమ్మకాలు కంపెనీ వ్యూహాలు సరైన దిశలో సాగుతున్నాయనే సంకేతాలను ఇస్తోంది.

125cc స్కూటర్ విభాగంలో బలమైన ఉనికి, నాణ్యమైన ఉత్పత్తులు, విస్తృత సర్వీస్ నెట్‌వర్క్, బ్రాండ్ ఇమేజ్ ఈ వృద్ధికి ప్రధాన కారణాలు. ఈ ధోరణి ఇలాగే కొనసాగితే, ఆర్థిక సంవత్సరం ముగిసే నాటికి సుజుకి మరింత అమ్మకాల మైలురాయిని అందుకునే అవకాశాలు ఉన్నాయి. సుజుకి భారతదేశంలో యాక్సిస్ అనే 125cc స్కూటర్‌ను విక్రయిస్తోంది. కంపెనీ 125cc స్కూటర్ భారతదేశంలో అత్యధికంగా అమ్ముడవుతున్న స్కూటర్ అయిన యాక్టివాతో పోటీ పడుతోంది.

Credit: Drivespark