Ram Charan: పండంటి కవలలకు జన్మనిచ్చిన రాంచరణ్, ఉపాసన కొణిదెల, మెగాస్టార్ చిరంజీవి ఎమోషనల్

మెగాస్టార్ చిరంజీవి తనయుడు, మెగా పవర్ స్టార్ రాంచరణ్, ఉపాసన కామినేని కొణిదెల దంపతులు పండంటి కవలలకు జన్మనిచ్చారు. గత కొద్ది రోజులుగా వారిద్దరూ కవలలకు జన్మనివ్వబోతున్నారనే విషయం సినీ వర్గాలో ప్రచారం జరుగుతున్న విషయం తెలిసిందే. అయితే జనవరి 31వ తేదీన వారిద్దరూ ఇద్దరు చిన్నారులకు జన్మిచ్చారు. ఈ విషయాన్ని మెగాస్టార్ చిరంజీవి తన సోషల్ మీడియా అకౌంట్ ద్వారా అధికారికంగా ధృ‌వీకరించారు. తన ట్వీట్‌లో భావోద్వేగానికి గురయ్యారు. ఈ వార్తకు సంబంధించిన వివరాలు, అలాగే చిరంజీవి ఎమోషనల్ ట్వీట్‌కు సంబంధించిన విశేషాల్లోకి వెళితే..

రాంచరణ్, ఉపాసన దంపతులు శనివారం రోజున హైదరాబాద్ జూబ్లీహిల్స్‌లోని అపోలోహాస్పిటల్‌లో పండంటి కవలలకు జన్మనిచ్చారు. వారు పండంటి అబ్బాయికి, అమ్మాయికి జన్మనిచ్చారు. వైద్యుల పర్యవేక్షణలో ఉపాసన ప్రసవం జరగడానికి ముందు చిరంజీవి దంపతులు శనివారం సాయంత్రం అపోలో హాస్పిటల్‌కు చేరుకొన్నారు. తమ కుటుంబంలోకి వస్తున్న చిన్నారులిద్దరని వారు స్వాగతించారు. తమకు మనవడు, మనవరాలు పుట్టడంపై చిరంజీవి, సురేఖ కొణిదెల దంపతులు ఆనందంలో మునిగిసోయారు. ఇప్పటికే రాంచరణ్‌కు క్లింకార కొణిదెల కూతురు ఉన్న విషయం తెలిసిందే.

రాంచరణ్ దంపతులకు ఇద్దరు కవలలు పుట్టారనే వార్త మెగా ఫ్యామిలీలో సంతోషాన్ని నింపింది. ఈ సందర్భంగా అపోలో హాస్పిటల్ వద్ద బాణాసంచా కాల్చి సంబరాల జరుపుకొన్నారు. మెగా ఫ్యామిలీలోకి ఇద్దరు చిన్నారులను గ్రాండ్‌గా ఆహ్వానించారు. ఈ సందర్భంగా సినీ ప్రముఖులు చిరంజీవిని, రాంచరణ్‌కు ఫోన్ కాల్ ద్వారా శుభాకాంక్షలు తెలిపారు.

ఇదిలా ఉండగా, రాంచరణ్‌ దంపతులకు ఇద్దరు సంతానం కలుగడంపై చిరంజీవి ఆనందంతోను, భావోద్వేగంతోను ట్వీట్ చేశారు. రాంచరణ్, ఉపాసన దంపతులు ఇద్దరు కవలలక జన్మనిచ్చారు. ఒకరు బాబు, మరొకరు అమ్మాయి. ఈ విషయాన్ని మీతో పంచుకోవడానికి చాలా ఆనందంగా ఉంది. ఇద్దరు చిన్నారులు, తల్లి సంపూర్ణ ఆరోగ్యంతో ఉన్నారు. ఇద్దరు చిన్నారులను మా కుటుంబంలోకి ఆహ్వానించడం మాకు ఎనలేని సంతోషాన్ని ఇస్తున్నది. తాత, అమ్మమ్మలుగా మాకు భగవంతుడు ఇచ్చిన వరంగా భావిస్తున్నాం అని చిరంజీవి అన్నారు.

ఈ సంతోషకరమైన క్షణాల సందర్భంగా ప్రార్థనలు చేసి, ప్రేమను, ఆశీస్సులను అందిస్తూ మాకు శుభాకాంక్షలు అందించిన ప్రతీ ఒక్కరికి హృదయపూర్వకంగా ధన్యవాదాలు తెలియజేస్తున్నాం. ఇట్లు చిరంజీవి, సురేఖ అంటూ తన ట్వీట్‌లో మెగాస్టార్ పేర్కొన్నారు.

Credit: Filmibeat