పెట్రోల్ బంకులకు ఇక టాటా.. గుడ్ బై..ఒక్క సారి ఛార్జింగ్ పెట్టి 100కిమీ తిరిగేయండి

ఎలక్ట్రిక్ వాహనాల మార్కెట్లో 17 ఏళ్ల అనుభవం ఉన్న గ్రీవ్స్ ఎలక్ట్రిక్ మొబిలిటీ (Greaves Electric Mobility)కి చెందిన అంపియర్ బ్రాండ్, సరికొత్త మాగ్నస్ జి మ్యాక్స్ (Magnus G Max) స్కూటర్‌ను భారత్‌లో లాంచ్ చేసింది. మధ్యతరగతి కుటుంబాల అవసరాలను దృష్టిలో ఉంచుకుని రూపొందించిన ఈ స్కూటర్ ఇప్పటికే ఎనిమిది విభాగాల్లో ఇండియా బుక్ ఆఫ్ రికార్డ్స్‎లో చోటు సంపాదించుకోవడం విశేషం. అతి తక్కువ ధరలోనే ప్రీమియం ఫీచర్లను అందించడం ఈ స్కూటర్ ప్రత్యేకత.

ధర, అదిరిపోయే రేంజ్
కొత్త మాగ్నస్ జి మ్యాక్స్ ఎలక్ట్రిక్ స్కూటర్ ప్రారంభ ధర కేవలం రూ.94,999 (ఎక్స్-షోరూమ్). ఒక లక్ష రూపాయల లోపు బడ్జెట్‌లో మంచి ఎలక్ట్రిక్ స్కూటర్ కోసం వెతికే వారికి ఇది సరైన ఎంపిక. ఇందులో ఉన్న శక్తివంతమైన 3 kWh లిథియం-ఐరన్-ఫాస్ఫేట్ (LFP) బ్యాటరీని ఈకో మోడ్‌లో నడిపితే ఏకంగా 100 కిలోమీటర్లకు పైగా మైలేజీని ఇస్తుంది. కేవలం 4.5 గంటల్లోనే బ్యాటరీ 20% నుంచి 80% వరకు ఛార్జ్ అవుతుంది.

స్టైలిష్ లుక్.. అద్భుతమైన ఫీచర్లు
ఈ స్కూటర్ కేవలం చూడటానికే కాదు, వాడటానికి కూడా చాలా అనువుగా ఉంటుంది. ఇందులో భారీ 33 లీటర్ల అండర్ సీట్ స్టోరేజ్ ఉంది, ఇది మార్కెట్లో ఉన్న ఇతర స్కూటర్ల కంటే చాలా ఎక్కువ. అంతేకాకుండా దీనికి 5 ఏళ్లు లేదా 75,000 కి.మీ వరకు వారంటీని సంస్థ అందిస్తోంది. రెయినీ బ్లూ (Rainy Blue), మచ్చా గ్రీన్ (Matcha Green), సినమిన్ కాపర్(Cinnamon Copper) అనే మూడు సరికొత్త డ్యూయల్ టోన్ రంగుల్లో ఇది అందుబాటులో ఉంది.

భారతీయ రోడ్ల కోసం పక్కా డిజైన్
గ్రామీణ ప్రాంతాల్లోని గుంతల రోడ్లను కూడా తట్టుకునేలా దీనికి 165 మి.మీ గ్రౌండ్ క్లియరెన్స్ ఇచ్చారు. దీని గరిష్ట వేగం గంటకు 65 కి.మీ. ఇందులో ఈకో, సిటీ, రివర్స్ అనే మూడు రైడింగ్ మోడ్స్ ఉన్నాయి. డిజిటల్ క్లస్టర్, యూఎస్‌బీ ఛార్జింగ్ పోర్ట్, ఎల్ఈడీ హెడ్‌ల్యాంప్స్ వంటి మోడ్రన్ ఫీచర్లు ఇందులో ఉన్నాయి. భారతీయ కుటుంబాల జీవనశైలికి తగ్గట్టుగా దీనిని రూపొందించామని కంపెనీ ఎండి వికాస్ సింగ్ గర్వంగా చెబుతున్నారు.

డ్రైవ్‌స్పార్క్ అభిప్రాయం
మీరు తక్కువ ఖర్చుతో రోజువారీ ప్రయాణాలు చేయాలనుకుంటే, అంపేర్ మాగ్నస్ జి మ్యాక్స్ ఒక గొప్ప ఎంపిక. అంపియర్ సంస్థకు ఉన్న 17 ఏళ్ల అనుభవం , విస్తృతమైన సర్వీస్ నెట్‌వర్క్ వల్ల వినియోగదారులకు బ్యాటరీ భద్రత, సర్వీసింగ్ విషయంలో ఎలాంటి బెంగ ఉండదు. స్టోరేజ్, సేఫ్టీ, మైలేజీ కోరుకునే వారికి ఇది కచ్చితంగా నచ్చుతుంది.

పెట్రోల్ ధరల సెగ నుంచి తప్పించుకోవాలనుకునే వారికి, ఫ్యామిలీతో కలిసి హాయిగా ప్రయాణించాలనుకునే వారికి ఇది ఒక ఆల్ రౌండర్ స్కూటర్. అంపియర్ సంస్థకు ఉన్న 17 ఏళ్ల సుదీర్ఘ అనుభవం, నమ్మకమైన సర్వీస్ నెట్‌వర్క్ ఈ వాహనంపై మరింత భరోసాను కలిగిస్తున్నాయి. కాబట్టి, తక్కువ ఖర్చుతో ఎక్కువ కాలం మన్నికనిచ్చే ఎలక్ట్రిక్ వాహనం కావాలనుకునే వారికి మాగ్నస్ జి మ్యాక్స్ ఒక 'పర్ఫెక్ట్ ఛాయిస్'.

Credit: Drivespark