చైనా, పాక్ సహా పోల్చినా.. మూడు వారాల్లో రూపాయి భారీ పతనం, ఎందుకంటే?

అమెరికా డాలర్ మారకంతో మంగళవారం రూపాయి 9 నెలల కనిష్టం రూ.75.4కు పడిపోయింది. గత మూడు వారాల కాలంలో ఇది 4.2 శాతం మేర క్షీణించింది. అభివృద్ధి చెందుతున్న దేశాల కరెన్సీలతో పోలిస్తే ఇటీవలి కాలంలో ఇంత దారుణంగా పతనమైన ఓ దేశీయ కరెన్సీ ఇదే కావడం గమనార్హం. దేశీయంగా కరోనా సెకండ్ వేవ్, ఆర్బీఐ మానిటరీ పాలసీ నేపథ్యంలో గత మూడు వారాలుగా రూపాయి ఒత్తిడిలో ఉంది.

మూడు వారాల్లో భారీ పతనం

మార్చి 22వ తేదీన డాలర్ మారకంతో రూపాయి 72.38 వద్ద ట్రేడ్ అయింది. తాజాగా మంగళవారం 75.42 వద్ద ట్రేడ్ అింది. అంటే ఈ కొద్ది వారాల్లోనే ఏకంగా 4.2 శాతం క్షీణించింది. గతవారం ఓ సమయంలో రూపాయికి పైగా పతనమైంది. మంగళవారం నాడు డాలర్ మారకంతో 43 పైసలు క్షీణించింది. ప్రధానంగా దేశంలో కరోనా కేసులు మళ్లీ పెరగడం ఆందోళన కలిగిస్తోంది. ఆర్థిక కార్యకలాపాలపై ప్రభావం పడుతుందనే ఆందోళన వల్ల రూపాయి క్షీణించింది.

ఇతర కరెన్సీలు ఇలా..

బ్రెజిల్ కరెన్సీ రియల్ ఇదే మూడు వారాల కాలంలో 3.99 శాతం క్షీణించింది. రష్యన్ రూబుల్ 3.25 శాతం పడిపోయింది. థాయ్ బట్, ఇండోనేషియా రుపియాలు వరుసగా 2.33 శాతం, 1.5 శాతం పతనమయ్యాయి. కానీ భారత కరెన్సీ మాత్రం ఏకంగా 4.2 శాతం పడిపోయింది. ఇటీవల భారత్‌లో రోజుకు లక్ష కేసులు కూడా నమోదైన సందర్భాలు ఉన్నాయి. ఇది ఆందోళన కలిగిస్తోంది.

డాలర్ మారకంతో..

డాలర్ మారకంతో మార్చి 22వ తేదీ నుండి భారీగా పతనమైన కరెన్సీల్లో టర్కిష్ న్యూలిరా ఉంది. ఆ తర్వాత రెండో స్థానంలో భారత్ ఉంది. మార్చి 22 నుండి టర్కిష్ న్యూ లిరా 4.36 శాతం, భారత రూపాయి 4.2 శాతం పడిపోయాయి. ఆ తర్వాత బ్రెజిలియన్ రియల్, రష్యన్ రూబుల్, థాయ్ భహ్త్, ఇండోనేషియా రుపియా ఉంది. ఆ తర్వాత చైనీస్ యువాన్ రెనిమింబీ 0.61 శాతం, మలేషియన్ రింగిట్ 0.51 శాతం, యూరో 0.36 శాతం, ఫిలిప్సిన్ పెసో 0.06 శాతం 2.51 శాతం నష్టపోయాయి.