Paytm: పేటీఎం కథ ముగిసినట్లేనా.. పెట్టుబడిదారుల సంగతేంటి..!

పేటీఎం స్టాక్ లోయర్ సర్క్యూట్లు కొడుతూ పాతాలానికి పడిపోతున్నాయి. బుధవారం కూడా పేటీఎం షేర్లు లోయర్ సర్క్యూట్ ను తాకాయి. బుధవారం పేటీఎం షేరు రూ.38 పాయింట్లు తగ్గి.. రూ.342 వద్ద ముగిసింది. పేటీఎం స్టాక్ నెల రోజుల్లో రూ.372 తగ్గింది. అంటే దాదాపు 52 శాతం పడిపోయింది. పేటీఎంలో అవకతవకలపై ఈడీ దర్యాప్తు ప్రారంభించినట్లు వార్తలు రావడంతో పేటీఎం స్టాక్ ఒత్తిదడి కనబడింది. పేటీఎం స్టాక్ ఫిబ్రవరి 29 తర్వాత మరింత పడిపోయే అవకాశం ఉందని భావిస్తున్నారు.

ఈడీ దర్యాప్తుపై పేటీఎం యాజమాన్యం స్పందించింది. ఈడీ అధికారులకు అవసరమైన సమాచారం, పత్రాలు, వివరణలను అందించిందని పేటీఎం పేర్కొంది. "సెబి (లిస్టింగ్ ఆబ్లిగేషన్స్ అండ్ డిస్‌క్లోజర్ రిక్వైర్‌మెంట్స్) రెగ్యులేషన్స్, 2015 కింద మా బాధ్యతలతో మేము ఎల్లప్పుడూ బహిర్గతం చేస్తూనే ఉన్నాము " అని అది పేర్కొంది. ఇటీవల ఆర్‌బిఐ నివేదించిన అక్రమాలకు సంబంధించి పేటీఎమ్ సీనియర్ ఎగ్జిక్యూటివ్‌లు ఇడి ముందు విచారణకు హాజరయ్యారని టైమ్స్ ఆఫ్ ఇండియా నివేదిక సూచించింది.

తీవ్రమైన సమస్యలేవీ వెలుగులోకి రాలేదని నివేదిక పేర్కొంది. దర్యాప్తు బృందం కోరిన కొన్ని పత్రాలతో మళ్లీ రావాలని పేటీఎం అధికారులను ఈడీ కోరిందని నివేదిక వెల్లడించింది. ఫిబ్రవరి 29, 2024లోగా పేటీఎం పేమెంట్స్ సర్వీసెస్ లిమిటెడ్ (PPSL) నోడల్ ఖాతాను రద్దు చేయాలని ఆర్బీఐ పేమెంట్స్ బ్యాంక్‌కి తెలిపింది. పేటీఎం తన పేమెంట్స్ బ్యాంక్ ను ఇతర బ్యాంకులకు తరలించాలని చూస్తోంది.

పేటీఎమ్ తన కస్టమర్లకు వివిధ చెల్లింపు ఉత్పత్తులను అందించడానికి, అనేక ఇతర బ్యాంకులతో భాగస్వామ్యాన్ని కొనసాగించాలని కోరుతున్నారు. సెంట్రల్ బ్యాంక్ అనుమతిస్తే పేటీఎంతో కలిసి పనిచేయడానికి సిద్ధంగా ఉన్నట్లు యాక్సిస్ బ్యాంక్ ఇటీవల తెలిపింది.

పేటీఎం స్టాక్ పడిపోతున్నప్పటికీ దలాల్ స్ట్రీట్‌లోని చాలా మంది పేటీఎం షేర్లను డంపింగ్ చేస్తున్నారు. విదేశీ సంస్థాగత పెట్టుబడిదారులు (FIIలు) డిసెంబర్ త్రైమాసికంలోనే ఫిన్‌టెక్ మేజర్‌కు ఇబ్బంది పడుతున్నట్లు గమనించి పెట్టుబడి పెంచుకున్నారు. అయితే పేటీఎం ఇష్యూ ఎటు వైపు మళ్లుతుందో చూడాలి.