10 సంవత్సరాల్లో రూ. 5 కోట్లు సంపాదించాలంటే… US, UK కంటే భారతీయులకు ఎక్కువ జీతం ఇస్తున్న దేశం ఏదో తెలుసా?

ఎక్కువగా భారతీయులు ఉత్తమ జీతాలు పొందడానికి విదేశాలకి వెళ్తుంటారు. ఎక్కువ మంది IT నిపుణులు US, UK వంటి దేశాలను ఎంచుకుంటున్నారు, మరోవైపు హెల్త్‌కేర్, ఇంజనీరింగ్, బిజినెస్ మరియు మరికొన్ని రంగాల ఉద్యోగుల కోసం అరబిక్ దేశాలకు ప్రాధాన్యతగా ఉంటాయి. కానీ ఇప్పుడు ఒక కొత్త దేశం భారతీయ ఉద్యోగులకు అత్యధిక జీతాలతో పని చేసే అవకాశాలు ఇస్తోంది. అది భారతీయులను ఆకర్షిస్తూ, భవిష్యత్తులో మంచి ఆదాయం మరియు వర్క్-లైఫ్ సమతుల్యాన్ని అందించే మార్గాన్ని చూపుతోంది.

అంతర్జాతీయ స్థాయిలో మంచి జీతాలతో పని చేయాలనుకునే భారత నిపుణులు ఇప్పుడు "నెదర్లాండ్స్" వైపు దృష్టి సారిస్తున్నారు. ఈ దేశంలో సగటు జీతం సుమారు €50,000 అంటే సుమారు రూ. 51 లక్షలు వరకు ప్రతి సంవత్సరం వస్తుంది. మన దేశంలో దీన్ని సంపాదించడానికి కొన్ని దశాబ్దాలు పడతాయి, కానీ నెదర్లాండ్స్‌లో 10 సంవత్సరాల పని ద్వారా రూ. 5.1 కోట్లు పైగా సంపాదించవచ్చు. అందుకే నెదర్లాండ్స్ భారతీయుల కోసం వేగంగా ప్రాధాన్యత గల గమ్యస్థానంగా మారుతోంది.

నెదర్లాండ్స్ మంచి జీతాలు, పని-జీవిత సమతౌల్యం కోసం ప్రసిద్ధి చెందింది. టెక్నాలజీ, హెల్త్‌కేర్, ఫైనాన్స్, ఇంజనీరింగ్, రీసెర్చ్ రంగాల్లో అవకాశాలు విస్తృతంగా ఉన్నాయి. ముఖ్యంగా IT, డేటా సైన్స్, సాఫ్ట్‌వేర్ డెవలప్‌మెంట్, వైద్య రంగాలు, ఇంజనీరింగ్ ప్రాజెక్టులు, ఫైనాన్స్, బిజినెస్ కన్సల్టింగ్ వంటి విభాగాల్లో భారతీయ నిపుణుల కోసం అధిక డిమాండ్ ఉంది. స్థానిక కంపెనీలు విదేశీ ప్రతిభను ఆకర్షించడానికి ప్రయత్నిస్తున్నాయి. అనుభవం ఉన్న, నైపుణ్యమున్న ఉద్యోగుల కోసం ప్రత్యేకమైన పథకాలు, హై-స్కిల్డ్ వీసా ప్రోగ్రాములు ఉన్నాయి. ఇది భారతీయులకు కేవలం ఎక్కువ జీతం కాదు, భవిష్యత్తులో స్థిరమైన, సురక్షితమైన ఉద్యోగ అవకాశాలను కూడా అందిస్తుంది. నెదర్లాండ్స్‌లో ఉద్యోగం పొందడం ద్వారా, వారు ప్రొఫెషనల్ స్కిల్స్‌ను మెరుగుపరచుకుని, వ్యక్తిగత జీవితంలో కూడా సంతృప్తి పొందగలుగుతారు, ఇది మరికొన్ని దేశాల్లో కేవలం కలలుగా మాత్రమే ఉంటుంది.

భారతీయులు నెదర్లాండ్స్‌లో పని చేయాలంటే సులభమైన మార్గం "హై స్కిల్డ్ మైగ్రెంట్ వీసా". దీని కోసం కేవలం ఒక ఉద్యోగ ఆఫర్ లెటర్ అవసరం. వీసా మంజూరు అయ్యాక, మీరు యూరప్ లోని అనేక దేశాల్లో జీవించవచ్చు మరియు పని చేయవచ్చు.

నెదర్లాండ్స్‌లో వీసా పొందడం చాలా సులభం. అమస్టర్‌డ్యామ్‌లోని ఒక రిక్రూట్‌మెంట్ కన్సల్టెంట్ ఇలా చెప్పారు: "డచ్ కంపెనీలు భారతీయుల నైపుణ్యాలు మరియు కష్టపడి పని చేసే మనసును ఎంతో మెచ్చుకుంటాయి." నెదర్లాండ్స్‌లో ఉద్యోగులు సాధారణంగా కచ్చితమైన పని గంటల్లో పని చేస్తారు, అలాగే వారానికి రెండు రోజుల సెలవు కూడా ఉంటాయి. ఈ కారణంగానే ఈ దేశం మంచి పని-జీవిత సమతౌల్యం (Work-Life Balance) కోసం ప్రసిద్ధి చెందింది.

టాప్ 10 మ్యూచువల్ ఫండ్స్ ఇవే

నెదర్లాండ్స్‌లో జీవన వ్యయం కొంచెం ఎక్కువగా ఉంది. ప్రతి నెల సుమారు €1,200-€1,500 ఖర్చు అవుతుంది. అయినప్పటికీ, చాలా మంది ఉద్యోగులు గమనించదగ్గ మొత్తంలో పొదుపు కూడా చేయగలుగుతున్నారు. ఇక్కడ సాఫ్ట్‌వేర్ డెవలపర్లు, డేటా అనలిస్టులు, IT ఇంజనీర్లు, వైద్య నిపుణులు వంటి నైపుణ్యవంతుల ఉద్యోగాలు అత్యధిక డిమాండ్‌లో ఉన్నాయి. ఈ రంగాల్లోని ఉద్యోగాలు మంచి వేతనాలను ఇస్తూ, భవిష్యత్తుకు సురక్షితమైన ఆర్థిక స్థిరత్వాన్ని కూడా అందిస్తాయి.

ఉదాహరణకి, ఒక సాఫ్ట్‌వేర్ డెవలపర్ USలో పనిచేస్తే, సగటు జీతం సంవత్సరానికి $90,000-$120,000 సుమారు రూ. 77-రూ. 103 లక్షల వరకు ఉంటుంది. సాన్ ఫ్రాన్సిస్కో, న్యూ యార్క్ వంటి పట్టణాల్లో జీతం ఇంకా ఎక్కువ $120,000-$150,000 రావచ్చు. కానీ ఈ దేశాల్లో జీవన వ్యయం చాలా ఎక్కువ, ఇంటి అద్దె, పబ్లిక్ ట్రాన్స్‌పోర్ట్, రోజువారీ ఖర్చులు, ఆరోగ్యసేవలు అన్నీ కలిసి చాలా ఖర్చు అవుతుంది. అందువల్ల, ఖర్చులు చెల్లించిన తర్వాత సుమారు $30,000-$50,000 (రూ. 26 - రూ. 43 లక్షల) పొదుపు మాత్రమే అవుతుంది.

అదే సమయంలో, నెదర్లాండ్స్‌లో సగటు జీతం సంవత్సరానికి €50,000 (రూ. 51 లక్షల) ఉంది. జీవన ఖర్చులు సుమారు €1,200-€1,500 నెలకు మాత్రమే. ఇక్కడ పని గంటలు స్థిరంగా ఉంటాయి, వారాంతం రెండు రోజుల సెలవు ఉంటుంది, అంటే work-life balance చాలా మంచిది. ఖర్చులు చెల్లించిన తర్వాత సుమారు €25,000-€30,000 (రూ. 35-రూ. 45 లక్షల) పొదుపు చేయవచ్చు.

ఈ ఉద్యోగాల్లో జీతాలు సగటు జీతాన్ని మించాయి. నెలవారీ జీతం సుమారు రూ. 4.5 లక్షలు, ఇది భారతీయుల సగటు వార్షిక ఆదాయం కంటే ఎక్కువ. వేతన తేడా + జీవన నాణ్యత కారణంగా, భారత యువత US, UK వంటి సంప్రదాయ గమ్యస్థానాలను మించిపోతూ నెదర్లాండ్స్ వైపు ఆకర్షితులవుతున్నారు.