Udayshivakumar Infra IPO: గ్రే మార్కెట్‍లో ప్రీమియంలో ట్రేడవుతున్న ఉదయశివకుమార్ ఇన్‌ఫ్రా లిమిటెడ్ షేర్లు..

ఉదయశివకుమార్ ఇన్‌ఫ్రా లిమిటెడ్ ఐపీఓ సబ్‌స్క్రిప్షన్ ముగిసింది. 28 మార్చి 2023న మంగళవారం షేర్లు కేటాయించనున్నారు. బిడ్డింగ్ ముగిసిన తర్వాత ఉదయశివకుమార్ ఇన్‌ఫ్రా IPO 32.49 రెట్లు సబ్‌స్క్రైబ్ అయింది. రిటైల్ విభాగంలో 14.95 రెట్లు సబ్‌స్క్రయిబ్ అయింది. గ్రే మార్కెట్‌లో ఉదయశివకుమార్ ఇన్‌ఫ్రా షేర్లు రూ.10 ప్రీమియంతో ట్రేడవుతున్నాయి. అంతకు ముందు రూ.8 వద్ద ట్రేడయ్యాయి.

గత రెండు రోజులుగా దలాల్ స్ట్రీట్‌లో బలహీనమైన సెంటిమెంట్‌లు ఉన్నప్పటికీ, ఉదయశివకుమార్ ఇన్‌ఫ్రా IPO GMP పబ్లిక్ ఇష్యూ గురించి గ్రే మార్కెట్‌లో రాణిస్తుంది. ఇన్‌ఫ్రా IPO ప్రైస్ బ్యాండ్ ఒక్కో ఈక్విటీ షేర్‌కు రూ.33 నుంచి రూ.35 గా ఉంది. ఈ సంవత్సరం జాబితా వచ్చిన చాలా IPOలు దాని పెట్టుబడిదారులకు అస్పష్టమైన లేదా ప్రతికూల రాబడిని అందించాయి. ఉదయశివకుమార్ ఇన్‌ఫ్రా లిమిటెడ్ ఎన్ఎస్ఈ, బీఎస్ఈలో ఏప్రిల్ 3, 2023న లిస్ట్ అయ్యే అవకాశం ఉంది.

ఇటివల వచ్చిన Divgi TorqTransfer తప్ప, 10 ఇతర కంపెనీలు ఐనాక్స్ గ్రీన్ ఎనర్జీ, కీస్టోన్ రియల్టర్స్, ధర్మజ్ క్రాప్ గార్డ్, యూనిపార్ట్స్ ఇండియా, సులా వైన్యార్డ్స్, అబాన్స్ హోల్డింగ్స్, ల్యాండ్‌మార్క్ కార్లు, KFin టెక్నాలజీస్, ఎలిన్ ఎలక్ట్రానిక్స్, రేడియంట్ క్యాష్ మేనేజ్‌మెంట్ సర్వీసెస్ ప్రస్తుతం డిస్కౌంట్‌లో ట్రేడవుతున్నాయి.