PF: పీఎఫ్‍లో డబ్బులు విత్ డ్రా చేస్తున్నారా.. అయితే ట్యాక్స్ చెల్లించాల్సిందే..!

దాదాపు ఉద్యోగులందరికీ పీఎఫ్ ఖాతా ఉంటుంది. అయితే అత్యవసర సమయాల్లో చాలా మంది పీఎఫ్ నుంచి డబ్బు విత్ డ్రా చేసుకుంటారు. అయితే డబ్బు విత్ డ్రా చేసుకుంటే ట్యాక్స్ కట్ అవుతుంది. అయితే ప్రస్తుతం ఉన్న ట్యాక్స్ ను తగ్గిస్తూ కేంద్ర బడ్జెట్ లో నిర్ణయం నిర్ణయం తీసుకున్నారు. డబ్బు విత్ డ్రా చేస్తే విధించే టీడీఎస్ ను 10 శాతానికి తగ్గించారు. పాన్ కార్డు లేని వారు విత్ డ్రా చేసే డబ్బుపై ట్యాక్స్ 20 శాతానికి తగ్గించారు.

నిబంధనల ప్రకారం ఐదేళ్ల సర్వీస్ పూర్తి కాకముందు ఈపీఎఫ్ డబ్బులు డ్రా చేస్తే 10 శాతం టీడీఎస్ చెల్లించాలి. అందుకే డబ్బులు డ్రా చేసేముందు తప్పనిసరిగా పాన్ నెంబర్ ఇవ్వాల్సి ఉంటుంది. లేకపోతే కొత్త నిబంధనల ప్రకారం 20 శాతం టీడీఎస్ చెల్లించాల్సిందే. ఐదేళ్ల సర్వీస్ పూర్తి కాకముందు రూ.50,000 లోపు విత్‌డ్రా చేస్తే టీడీఎస్ చెల్లించాల్సిన అవసరం లేదు. అయితే పాన్ కార్డ్ లేదా ఫామ్ 15జీ లేదా 15హెచ్ సబ్మిట్ చేస్తే టీడీఎస్ చెల్లించాల్సిన అవసరం లేదు.

పాన్ కార్డు పీఎఫ్ పోర్టల్ అప్ డేట్ చేయకపోతే.. ఐదేళ్ల సర్వీస్ పూర్తి కాకముందు రూ.50,000 మించి డ్రా చేస్తే టీడీఎస్ చెల్లించాల్సిందే. ఫిక్స్‌డ్ డిపాజిట్ వడ్డీ, మ్యూచువల్ ఫండ్స్ , డివిడెండ్లు, ఇతర ఆదాయాలకు ముందుగానే టీడీఎస్ వసూలు చేసినట్టు, ఈపీఎఫ్ విత్‌డ్రాయల్స్‌కు కూడా టీడీఎస్ చెల్లించాలని నిబంధనలు ఉన్నాయి. అయితే మీరు టిడీఎస్ చెల్లిస్తే.. ఐటీ రిటర్న్స్ ఫైల్ చేసేటప్పుడు టీడీఎస్ ను తిరిగి పొందవచ్చు.