Crude Oil: భారీగా పెరిగిన చమురు ధర.. పెట్రోల్, డీజిల్ రేట్లు పెరుగుతాయా..!

గత కొంత కాలంగా తగ్గుతూ వస్తున్న చమురు ధర ప్రస్తుతం భారీగా పెరుగుతోంది. గత సెషన్‌లో 1 శాతంపైగా పెరిగి 10 నెలల గరిష్ఠ స్థాయికి చేరుకుంది. ఫ్రంట్-మంత్ బ్రెంట్ ఫ్యూచర్స్ ఆరు నెలల్లో ధరల కంటే బ్యారెల్ $4.13 వద్ద తొమ్మిది నెలల గరిష్ట స్థాయికి చేరుకుంది. సౌదీ అరేబియా, రష్యా మంగళవారం తమ చమురు ఉత్పత్తిని సంవత్సరం చివరి వరకు పొడిగించాయి. బ్రెంట్‌ ముడి చమురు ధర వారంలోనే సుమారు 6.5 శాతం వరకు పెరిగింది.

రష్యా కొద్ది నెలలుగా ఎగుమతుల్లో స్వచ్ఛంద కోత విధిస్తోంది. ఒపెక్‌ ప్లస్‌ తాజా నిర్ణయంతో మంగళవారం తొలిసారిగా బ్యారెల్ ముడి చమురు ధర 90 డాలర్ల ఎగువకు చేరింది. మార్కెట్ పరిస్థితులను బట్టి కోతలను పెంచడం లేదా ఉత్పత్తిని పెంచడం కోసం సౌదీ అరేబియా, రష్యా రెండు దేశాలు తమ నిర్ణయాలను నెలవారీగా సమీక్షించుకుంటున్నాయి. సౌదీ అరేబియా, రష్యా సంయుక్తంగా 1.3 mbpd స్వచ్ఛంద కోతను విధిస్తున్నాయి.

రష్యా భారత్ కు ఎగుమతి చేసే ముడి చమురుపై రాయితీ ఇవ్వడం కూడా తగ్గిస్తోంది. ప్రస్తుత మార్కెట్ ధర (CMP) బ్యారేల్ చమురుకు $86 గా ఉంది. WTI క్రూడ్ ఆయిల్ అక్టోబర్‌లో $84.50/$83, రెసిస్టెన్స్ $88 - $90 వద్ద ఉంటుందని BNP పరిబాస్ ఇమ్రాన్ చెప్పారు. చమురు ధర పెరగడంతో చమురును ఎక్కువగా దిగుమతి చేసుకుంటున్న దేశాలకు ఇబ్బందులు తలెత్తే అవకాశం ఉంది. ముఖ్యంగా భారత్ లో పెట్రోల్, డీజిల్ ధరలు పెరిగే అవకాశం ఉంది.

దేశంలో గత 17 నెలలుగా పెట్రోల్, డిజీల్ ధరలు మారకుండా ఉన్నాయి. అయితే అంతర్జాతీయంగా ముడి చమురు ధర పెరిగితే దేశీయంగా పెట్రోల్, డీజిల్ ధరలు పెరిగే అవకాశం ఉంటుందని నిపుణులు అంచనా వేస్తున్నారు.